• USD 468.56

  • EUR 497.56

  • RUB 7.3

  • CNY 67.18

28 Naýryz, 20:42:09
Almaty
+35°

Jambyl oblysynyń 80 jyldyǵyna arnalyp ashylǵan nysandardyń biregeıi – shahardyń qaq ortasynan oryn alǵan «Kóne Taraz» tarıhı-etnomádenı kesheni. Orta Azııada balamasy joq alyp keshendi Tarazdyń 2000 jyldyq tarıhyn qaıta tiriltken «Ǵajaıyp sáýlet qurylysy»  dep ataýǵa tolyq negiz bar! Myńjyldyqtardyń kýási kıeli ólkeniń rýhanııatyn oıatyp, rýhyn asqaqtatqan, mereıin ósirip, mazmunyn arttyrǵan   joba jambyldyqtar úshin teńdesiz joba bolǵany sózsiz.

Barlyq qurylys barysy orta ǵasyrlyq shyǵys sáýlettik stılinde júrgizilgen keshen 2000 jyldan asa ótkeni bar Taraz shaharynyń tarıhı bolmysyn barynsha  aıshyqtaı  túsýde.  Onda barlyǵy 8 nysan qamtylǵan. Olar: «Rýhanııat jáne tarıhtaný» ortalyǵy, «Qolóner sheberleriniń  galereıasy», «Kórkemsýret galereıasy», «Oblystyq tarıhı-ólketaný mýzeıi», «Retro-festıval» amfıteatry, «Kórme» pavılony, «Saǵat» stelasy, «Arbat-2» jaıaý júrginshiler alańy. Aıta ketý kerek, ulttyq qundylyǵymyzdy bolashaq urpaqqa jetkizip, tarıhymyzdy tanytýǵa baǵyttalǵan jobaǵa demeýshiler de óz úlesin qosyp, qurylysqa qoldaý kórsetýde.

Búginde keshendegi 8 nysan boıynsha qurylys-montaj, árleý-bezendirý jumystary tolyǵymen aıaqtaldy. Qurylys jumystaryna barlyǵy 1000-nan astam qurylysshy, 100-dan asa tehnıka jumyldyryldy. Árleý jumystary Samarqand stılindegi kirpishterimen júrgizilýine baılanysty О́zbekstannan arnaıy mamandar tartyldy. Infraqurylymmen qamtý sharalar da tıisinshe oryndalǵan. Jalpy jeti gektarǵa jýyq aýmaqty quraıtyn ortalyqtaǵy qurylys jumystary aǵymdaǵy jyldyń maýsym aıynda bastalyp, jeltoqsan aıynda máresine jetti.

Aıta keteıik, mundaǵy qurylysqa qajetti materıaldardyń 80 paıyzy otandyq óndiris oryndarynan jetkizilse, qalǵany Samarqand kirpishi, glazýr atty tósenishter Qytaı men О́zbekstan memleketterinen ákelindi. Olarmen arnaıy kelisimshart jasalyp, eń sapaly materıaldar paıdalanyldy. Glazýr tósenishteri arnaıy peshterde 1800 gradýsta aldyn-ala ólshemmen daıyndalǵan.

Jalpy keshendegi nysandardyń qabyrǵalaryn árleý jumystaryna 7000  sharshy metrden astam Samarqand kirpishteri, 2000 sharshy metrge  glazýr tósenishteri paıdalanylǵan. Árleýge paıdalanylǵan travertın tastarynyń elementteri Qyrǵyzstanda ázirlengen.

Sondaı-aq ár ǵımarattyń syrtqy árleý-bezendirý barysy erekshe, bir-birine uqsamaıdy.  Degenmen keshendegi barlyq nysandy bezendirý jumystaryna Aısha bıbi kesenesinde kezdesetin segiz buryshty órnek-bederlerdiń paıdalanylǵandyǵyn aıtyp ótý kerek. Ol keshenge Taraz qalasynyń orta ǵasyrlyq kelbetin qalyptastyrýǵa múmkindik berip, kelýshilerge aıryqsha áser etedi.

Sonyń ishindegi amfıteatr – «Kóne-Taraz» tarıhı-etnomádenı  keshenindegi «Rýhanııat jáne tarıhtaný» ortalyǵy men «Kórkemdik-beıneleý óneri galereıasy» nysandarynyń ortasynda ornalasqan. Ashyq aspan astyndaǵy sahnada aldaǵy ýaqytta halyqaralyq baıqaýlar, konkýrstar, basqa da óner báıgeleri jáne merekelik keshter ótetin bolady. Amfıteatr bir mezette myńnan asa adamdy syıdyra alady.

Nysannyń qurylysyn júrgizgen bas merdiger – «JAŃA ARNA-2002» jaýapkershiligi shekteýli seriktestigi.

Aıta keteıik, sahna qurylysynyń jalpy aýmaǵy 2000 sharshy metrdi quraıdy. Sahnanyń jerden bıiktigi – 1 metr 20 santımetr. Uzyndyǵy  32 metr bolsa, bıiktigi 7 metrden asady. Mundaı amfıteatr elimizde buǵan deıin Astana, Almaty, Aqtaý qalalarynda bolsa, endi tarıhı Tarazdaǵy jańa keshende  boı kóterip otyr.

"Qamshy" silteıdi
Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir