25 Jeltoqsan, 2019 NEWS
Foto: forbes.kz
Burynǵy mádenıet, aqparat jáne sport mınıstri, Qazaqstannyń Grýzııa men Belarýstegi eks-elshisi, uzaq jyl Nursultan Nazarbaevtyń kómekshisi bolǵan Ermuhamet Ertisbaev Business FM radıosyndaǵy "Baıtasov LIVE" baǵdarlamasynda qonaqta bolyp, zeınet demalysynyń qalaı ótip jatqanyn aıtyp berdi.
Onyń sózinshe, zeınettik damylysqa shyqqannan keıin oǵan ártúrli salalardaǵy qyzmetten usynystar kelip túsken. Alaıda ol onyń bárinen bas tartqan.
– Maǵan "erkin ekspert" statýsynda jumys istegen unaıdy. Men ómir boıy memlekettik qyzmette istep, joǵary jalaqy alyp keldim. О́mirimniń 7 jylyn arnaǵan dıplomatııalyq qyzmette de jalaqym joǵary boldy. Ári ony qunsyzdanbaıtyn valıýtada beretin. Sondyqtan jumys istemeı-aq jaqsy ómir súrerlikteı dáýletim bar. Qazir men erkindiktiń rahatyn kórip jatyrmyn. Memlekettik qyzmetti ońaı deıtinder qatelesedi. Ol jerdegi mindet pen jaýapkershiliktiń júgi aýyr. 63 jasqa tolǵanda zeınetke ketýdi uıǵardym. Aıtpaqshy zeınetaqymdy rásimdep te úlgerdim. Ol mende táp-táýir – 178 myń teńge, – deıdi ol.
Ertisbaev zeınetaqysyn rásimdeý úshin ómirinde alǵash ret halyqqa qyzmet kórsetý ortalyǵyna barǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir