• USD 468.56

  • EUR 497.56

  • RUB 7.3

  • CNY 67.18

29 Naýryz, 19:57:13
Almaty
+35°

Jambyl oblysynyń 80 jyldyq mereıtoıy aıasynda kelesi kezekte «Kóne Taraz» tarıhı-etnomádenı kesheninde ornalasqan Qolóner jáne týrızm ortalyǵy ashyldy. Ortalyq óńirdegi qolóner sheberleri bas qosyp, tyń ıdeıalarymen bólisetin, tájirıbe almasatyn birden-bir orynǵa aınalady dep kútilýde. Olarǵa onda ózderiniń zergerlik sheberlikterin jetildirýge tıisti jaǵdaı jasalmaq.  Munda Shyǵys, Batys, Syr, Arqa, Jetisý jáne basqa da aımaq úlgisindegi buıymdar jasalynady dep kútilýde. Olardyń qolynan shyqqan ǵajaıyp buıymdardy satýǵa da múmkindik týmaq.

Qurylystyń jalpy alańy 2277,12 sharshy metrdi quraıdy. Nysan eki qabattan turady. Ǵımarattyń birinshi qabatynda qolóner sheberleriniń buıymdary, týrısterge arnalǵan keńes berý zaly nemese anyqtama ortalyǵy ornalasýda. Al ekinshi qabatta 7 sheberhana, jas qolónershilerdi oqytý synyby,  «Taraz – Týrızm» týrıstik aqparattyq ortalyǵy oryn tepken.

Taraz qalasy – 2000 jyldan astam tarıhy bar, Uly Jibek jolynyń boıynda jatqan qala. Kerýen joldarynyń túıisken jeri, saýda — sattyq ortalyǵy bolǵandyqtan, qolóner jaqsy damyǵan. Osy oraıda bul galereıa tarıhy tereńde jatqan  osynaý óner túrin zamanaýı turǵyda damytý jáne sol qolóner buıymdaryn kópshilik nazaryna usyna otyryp, oblysymyzdyń týrızm salasyn  órkendetýge de aıtarlyqtaı óz úlesin qosady dep kózdelýde.

Galereıanyń negizgi fýnksııasy – oblystyq qólóner sheberleriniń basyn qosyp, bir jerde óz buıymyn jasaýǵa jáne sol jerde satýǵa múmkindik berý. Sonymen qatar jergilikti stýdentter men oqýshylarǵa sheberlik saǵattaryn ótkizý arqyly jasóspirimderdiń boıynda ónerge, eńbekke, ulttyq qundylyqtarǵa degen qyzyǵýshylyǵy men súıispenshiligin oıatý.  Ol ulttyq mádenı mura  jáne sheberler ónerin jańǵyrtatyn jáne kópshilikke taratýǵa yqpal etetin ortalyq bolady.

"Qamshy" silteıdi
Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir