• USD 389.52
  • EUR 429.21
  • RUB 6.07
  • CNY 54.94
26 Aqpan, 12:08:43
Shyńjańdyq dúngen: Dereý qazaqtardan keshirim surańdar! (aýdıo)

25 Jeltoqsan, 2019 Aımaqtar

«Dańqty sportshylar alańy» – juldyzdy Jambyl sportynyń mártebesi

Qamshy.kz

Jambyl oblysynyń 80 jyldyq mereıtoıy qarsańynda ashylǵan aıtýly nysandardyń biri – Taraz qalasyndaǵy «Taraz-Arena» sport kesheni aýmaǵynda «Dańqty sportshylar alańy». «Kóne Taraz» qoǵamdyq qory qarjylandyrǵan nysan qurylysyn Erkin Qulmanbetov jetekshilik etetin «Astana UP» jaýapkershiligi shekteýli seriktestigi júrgizgen.

Nysan ár jyldary sport saıystarynda el namysyn abyroıly qorǵaǵan Jambyl jurtshylyǵynyń mereıin asyrǵan sportshylardyń qurmetine ornatylǵan. Atalǵan alańnyń ortasynda bıiktigi 6,5 metrdi quraıtyn fakel ornalasqan. Onyń eki shetinde travertın jáne granıt materıalynan daıyndalǵan,  bıiktigi 3 metr, uzyndyǵy 9 metr bolatyn 2 qurmet taqtasy qoıylǵan. Qurmet taqtasynda Jambyl óńirinen shyqqan dańqty 145 sportshynyń jáne 96 eńbegi sińgen jattyqtyrýshynyń esimi jazylǵan.

Alańnyń ashylý saltanatyna arnaıy qatysqan grek–rım kúresinen Máskeýde ótken Olımpıada oıyndarynyń jeńimpazy, Álem chempıony, Qazaq KSR Eńbek sińirgen jattyqtyrýshysy Jaqsylyq Úshkempirov oblys sportynyń jetken jetistikteri men mereıiniń ústem ekendigin aıryqsha aıtyp ótip, atalǵan nysannyń ashylýymen barsha jınalǵandardy quttyqtady. Budan soń sóz alǵan oblys ákiminiń birinshi orynbasary Bekbolat Orynbekov salany damytýda qolǵa alynyp jatqan jemisti jumystardy tilge tıek etti. Sondaı-aq saltanatty jıynda alańǵa esimi jazylǵan birqatar sportshylarǵa arnaıy kýálikter tabystaldy.

Aıta ketý kerek, Jaqsylyq Úshkempirov, Bolat Jumadilov, Ermahan Ybraımov,  Baqtııar Artaev, Beıbit Ystybaev, Aqjúrek Tańatarov,  Eldos Smetov syndy sport sańlaqtarynyń kindik qany tamǵan Jambyl sportynyń shoqtyǵy bıik.  Tek aǵymdaǵy jyldyń ózinde 40 sport nysany paıdalanýǵa berildi. Kelesi jyly taǵy 92 nysan halyq ıgiligine beriletin bolady. Sonymen qatar, óńirde qazyna qarjysy esebinen 2 jáne demeýshiler esebinen 1 sport kesheni salynýda. Jyl basynan beri halyqaralyq deńgeıdegi baıraqty básekelerde el namysyn qorǵaǵan 14 sportshy júldeli orynǵa ıe boldy.

 

Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir