• USD 389.52
  • EUR 429.21
  • RUB 6.07
  • CNY 54.94
29 Qańtar, 22:12:37
Qazaqstan Ýkraınanyń saýda naryǵyna alańdaýly

25 Jeltoqsan, 2019 Aımaqtar

Tarazda Kenen Ázibaev eskertkishi ashyldy

Qamshy.kz

Jambyl oblysynyń 80 jyldyǵyna oraı Taraz qalasynda Kenen Ázirbaev eskertkishiniń ashylý saltanaty ótti. Qazaqtyń áıgili halyq aqyny, ánshi, kompozıtor, Qazaqstannyń eńbek sińirgen óner qaıratkeriniń eskertkishi «Balasaǵun» ortalyq konsert zaly ǵımaratynyń aldyna ornatylǵan.

Kenen Ázirbaev — qazaq ónerindegi sal-serilik jáne aıtyskerlik dástúrlerdi úzbeı, HH ǵasyrdyń 70-jyldaryna deıin jetkizgen ónerpaz. Dastan janryn jastaıynan jyrlaǵan. Qazaq halqynyń aıtys óneriniń nasıhatshysy. 150-deı án tolǵap, ánderi halyq súıip aıtatyn máńgilik rýhanı qazynaǵa aınaldy. Kenen Ázirbaevqa bıyl 135 jyl.

Kenen Ázirbaev eskertkishin ashý qurmeti Qazaqstannyń eńbek sińirgen mádenıet qyzmetkeri, kúıshi-kompozıtor Ábdimomyn Jeldibaev, Qazaqstannyń eńbek sińirgen qaıratkeri Maral Ysqaqbaı jáne Kenen atamyzdyń urpaǵy Murat Kenenovke buıyrdy.

Saltanatty sharaǵa arnaıy qatysqan aımaq basshysy Asqar Myrzahmetov  pen  oblystyq máslıhattyń hatshysy Baǵlan Qarasholaqov barsha jambyldyqtar atynan eskertkishke  gúl shoqtaryn qoıdy. Budan soń qonaqtar Qordaı aýdandyq K.Ázirbaev ádebı-memorıaldyq mýzeıi ázirlegen kórmeni tamashalady.

Eske sala keteıik,  jyr alyby – Jambyldyń janynda jarty ǵasyr ýaqyt júrip qazaq aýyz ádebıetiniń mol murasymen qanyqqan Kenen aty ult mádenıeti tarıhynda altyn árippen jazylǵan esim sanalady. О́tken jyly jyr dúldúliniń esimi oblystyq fılarmonııaǵa berilgen bolatyn. Sondyqtan da onyń eskertkishi dál osy oblystyq fılarmonııa qonystanǵan «Balasaǵun» ortalyq konsert zalynyń aldyna qoıylýy óte utymdy usynys bolyp otyr. Demeýshiler qarajaty esebinen salynǵan tas músindi músinshi Kóljigit Temirhan ázirlegen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir