• USD 389.52
  • EUR 429.21
  • RUB 6.07
  • CNY 54.94
30 Qańtar, 04:16:39
Qazaqstan Ýkraınanyń saýda naryǵyna alańdaýly

24 Jeltoqsan, 2019 Barlyq aımaqtar

Sybaılas jemqorlyq. Túrkistanda «1424» fılminiń kórsetilimi ótti

Jemqorlyq degen jegi qurt qoı...

/qamshy.kz

Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamentiniń bastamasymen  jemqorlyq indetin joıý maqsatynda túsirilgen «1424» kórkem fılminiń   alǵashqy ashyq kórsetilimi ótti.

         Túren salǵan taqyrypty tereń qaýzap, qoǵam kelbetin sheber aıshyqtaǵan kınokartınanyń ashyq kórsetilimine óńir basshysy  О́mirzaq Shókeev arnaıy qatysyp,  qazaq kıno keńistigine jol tartqan kórkem fılmdi kópshilik kórermenmen birge otyryp tamashalady.

         Oblys ortalyǵynda alǵash ret túsirilgen kınotýyndy, eń aldymen qoǵamda beleń alǵan jemqorlyq kórinisterin azaıtýǵa jáne oǵan qarsy mádenıettiń jarqyn úlgisin qalyptastyrýǵa, sondaı-aq  halyqtyń azamattyq belsendiligin arttyrý arqyly sybaılastyq derekterin seıiltýge baǵyttalǵan.

         Qoǵam ómirinen alynǵan kınofılmde ońaı oljaǵa qunyqqan shendiniń aılaly áreketteri men ata-anasynan erte aıyrylyp, taǵdyr taýqymetin bala kúnnen tartqan aǵaıyndylardyń baspana úshin báıek bolýy keńirek baıandalady. Sondaı-aq, kórkem fılmde jeń ushynan jalǵasqan jemqorlyqqa jol bergen azamattar zań aldynda jaýapqa tartylatyndyǵy men adal eńbektiń árqashan ústemdik etetini sheber sýretteledi.

         Adal jolǵa úndeıtin kınokartına Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamentiniń basshysy, general Hakım Kóshqalıevtiń ıdeıasy negizinde túsirilip, búginde  qoǵam ómirine negizdelgen biregeı týyndy retinde qazaq kınoındýstrııasynyń qataryn tolyqtyryp otyr.

         «1424» kórkem fılminiń ózindik ereksheligi – barlyq rólderdi Departament qyzmetkerleri men Arys qalasyndaǵy «T.Tájibaev atyndaǵy balalar aýylynyń» tárbıelenýshileri somdaıdy ári kásibı ártisterdiń qatysýynsyz-aq qalyń kórermenniń kóńilin kóleńkeli qylmystan alshaq bolýǵa jáne ony joıýda azamattyq belsendilikti tanytýǵa úndeıdi.

Kıno naryqqa jańadan qosylǵan tyń týyndy bas-aıaǵy 3 apta ishinde Arys jáne Túrkistan qalalarynda túsirilip, jarty saǵattyq kórkem fılm nusqasynda qyraǵy kórermen nazaryna usynylyp otyr.

Kórsetilim jıynynda fılm rejısseri Baqytjan Botabekov túsirilim jumystarynyń qazan aıynyń sońy men qarasha aıynyń basynda júrgizilgenin tilge tıek etip, shyǵarmashylyq joldan alys júrgen departament qyzmetkerleri men basty róldi joǵary deńgeıde somdap shyqqan Arystaǵy balalar aýylynyń tárbıelenýshileri Aıgúl Aqjigitova men Qudaıbergen Qaıratulynyń qabiletterine túsirilim barysynda tánti bolǵanyn aıryqsha atap ótti.

         Sondaı-aq, adamgershilik pen ádiletsizdik qatar beınelengen fılmdi tapjylmaı tamashalaǵan qalyń kórermenniń biri «Qoǵam kelbetin jarty saǵatqa syıǵyzyp, kópshilik sanasyna jetkizý – úzdiksiz eńbek pen úlken sheberliktiń nátıjesi»,-dep paıymdy pikir bildirse,  biri «Bul fılm paıdakúnem pendelerdiń siresken  oı-sanasyn silkintýge sep bolady», -dep kórkem fılmniń elge tıgizer yqpalyn joǵary baǵalady.                               Aıta ketsek, kórkem ataýy   Sybaılas jemqorlyqqa qarsy is-qımyl agenttiginiń táýlik boıy tegin qyzmet etetin senim telefony – 1424-ke negizdelip arnaıy qoıylǵan. Bul qoǵam ómirinde sybaılas jemqorlyq faktilerine tap bolǵan azamattardyń jedel jelige kez-kelgen ýaqytta habarlasyp, qoǵam indetimen der kezinde qulaǵdar etýge zor múmkindik beredi.        Shara sońynda О́.Shókeev kınotýyndy da belsendilik tanytqan birqatar azamattardy Alǵys hatpen marapattap, shyǵarmashylyq jolda sharyqtaı berýlerine tilektestik bildirdi.                                                    

Oblys ákiminiń oń baǵasyn alǵan atalmysh fılm óńirdegi sybaılas jemqorlyq deńgeıiniń tómendeýine, rýhanı bolmystyń kemeldenýine jáne mádenı shahardyń  adaldyq mekenine aınalýyna tyń  serpin bermek.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir