25 Jeltoqsan, 2019 NEWS

Prezıdenttik jastar kadr rezervine ótkenderdiń tizimi shyqty

Foto: region-press.kz

Bul týraly QR prezıdenti janyndaǵy Ortalyq kommýnıkasııalar qyzmetiniń alańynda ótken brıfıngte aıtyldy, dep jazady Qamshy.kz aqparat agenttigi Qazaqparattyń materıalyn negizge alyp.

QR Prezıdenti Ákimshiligi basshysynyń birinshi orynbasary Máýlen Áshimbaevtyń aıtýynsha, birneshe aı boıy aýqymdy jumystar atqarylyp, búgin jastardy irikteý aıaqtaldy.

Komıssııa otyrysynda eksperttik komıssııa usynǵan kandıdattar qaralyp, 300 jas qazaqstandyq iriktelip alynǵan.

Rezervke engen jastar memlekettik basqarý júıesindegi jaýapty qyzmetterge taǵaıyndalady. Mundaǵy basty maqsat – bilikti basshylardyń jańa býynyn qalyptastyrý jáne jastar úshin áleýmettik lıftiniń utymdy júıesin qurý.

– Bul rezerv memlekettik qyzmet salasyn jańartýǵa, ozyq oıly jas kóshbasshylardy jumyldyrýǵa jáne jastardy yntalandyrýǵa múmkindik beredi. Biraq, Prezıdent aıtqandaı, tek joǵary laýazymǵa usynylatyn top dep qaraýǵa bolmaıdy. Bul joba jastardy halyqqa shyn nıetimen qyzmet etýge yntalandyrýy tıis, – dedi M. Áshimbaev.

Iriktelip alynǵan 300 jas qazaqstandyqtyń tolyq tizimin jobanyń resmı saıtynan tanysýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir