Memlekettik qyzmetkerlerge jańa jyl qarsańynda syılyq alýǵa tyıym salyndy

Jańa jyl merekesi qarsańynda QR Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti memlekettik qyzmetshilerge, sondaı-aq kvazımemlekettik sektor qyzmetkerlerine syılyq alýǵa, azamattarǵa atalǵan qyzmet ıelerine syılyq berýge bolmaıtynyn eskertti.

«Memlekettik qyzmet týraly Zańǵa sáıkes, bul áreketter (syılyq syılaý - red) memlekettik qyzmetke nuqsan keltiretinin atap ótý qajet. Sybaılas jemqorlyqqa qarsy zańnamada laýazymdy tulǵaǵa quny 2 AEK-ten tómen turatyn (5050 teńge) syılyq bergeni úshin 200 AEK (505 myń teńge) ákimshilik aıyppul, al memlekettik qyzmetshilerge syılyq alǵany úshin 600 AEK (1 mıllıon 515 myń teńge) ákimshilik aıyppul qarastyrylǵan. Quny 2 AEK-ten joǵary turatyn syılyq úshin qylmystyq jaýapkershilikke tartylady» delingen habarlamada.

Memlekettik qyzmetshiniń kelgen syılyq jóninde habary bolmasa, sondaı-aq tıisti fýnksııalardy oryndaýǵa baılanysty alynǵan syılyqtar jeti kún ishinde arnaıy memlekettik qorǵa aqysyz jetkizilýi tıis.

Sonymen qatar memlekettik qyzmetshiniń otbasy músheleriniń syılyqtar men qyzmet túrlerin alýǵa, atalǵan tulǵanyń qyzmetimen baılanysty jeke jáne zańdy tulǵalar esebinen týrıstik, saýyqtyrý jáne basqa da saparlarǵa shaqyrý qaǵazdaryn qabyldaýǵa quqyǵy joq. 

Al qarapaıym qorjyn qabyldaý sybaılas jemqorlyqqa qarsy zańnamany jáne memlekettik qyzmetshiniń ádep qaǵıdalaryn óreskel buzý retinde qarastyrylady.