• USD 389.52
  • EUR 429.21
  • RUB 6.07
  • CNY 54.94
29 Qańtar, 22:04:47
Qazaqstan Ýkraınanyń saýda naryǵyna alańdaýly

24 Jeltoqsan, 2019 NEWS

Toqaev 9 aıda ne tyndyrdy?

egemen.kz

Prezıdent Qasym-Jomart Toqaevtyń baspasóz hatshysy Berik Ýálı óziniń facebook-taǵy paraqshasynda memleket basshysynyń bıylǵy 9 aıda atqarǵan jumysynyń qysqasha sholýyn jarııalady.

"Búgin Aqorda rezıdensııasynda Memleket basshysy Qasym-Jomart Toqaevtyń Prezıdent laýazymyna kirisken sátten bergi atqarǵan jumysyn qorytyndylaýǵa arnalǵan brıfıng ótti. Jıynǵa 100-ge jýyq respýblıkalyq buqaralyq aqparat quraldarynyń ókilderi qatysty" degen Berik Ýálı  Qasym-Jomart Kemeluly halyq aldynda ant bergennen keıin memleket basshysy retinde birden jumysqa bilek sybana kirisip ketkenin atap ótti.

"Bıyl Memleket basshysynyń qatysýymen jalpy 463 is-shara ótti. Onyń ishinde elimizdiń aımaqtaryna 25 ret jumys saparymen bardy, 249 qabyldaý ótkizdi. 31 eldiń basshylarymen telefon arqyly sóılesti.

Qasym-Jomart Kemeluly 12 elge saparmen bardy. 9 halyqaralyq jıynǵa qatysty. Halyqaralyq jáne óńirlik qaýipsizdikti qamtamasyz etý, memleketaralyq baılanystar men ózara yntymaqtastyqty nyǵaıtý maqsatynda 100-ge jýyq halyqaralyq kezdesý ótkizdi. Memleket basshysy 23 sheteldik elshiden senim gramotalaryn qabyldap, Qazaqstannyń shet elderdegi 30 elshisin taǵaıyndady. Sonymen qatar Qazaqstannyń 6 memlekettegi dıplomatııalyq mıssııalary Elshilik retinde qaıta quryldy" dedi ol.

Prezıdent 20 naýryzdan beri 45 Zańǵa, 226 Jarlyqqa, 68 О́kimge qol qoıǵan. Prezıdenttiń qatysýymen ótken jıyndar boıynsha 49 hattama toltyryldy. Jalpy Prezıdent bıylǵy 9 aıda 112 796 shaqyrym jol júrgen. Oǵan 181 saǵat 36 mınýt ýaqyt ketken.

"QR Prezıdenti Ákimshiliginiń О́tinishterdi qaraýdy baqylaý bólimi men Prezıdenttiń Vırtýaldy qabyldaýyna azamattardan 1 tamyzdan beri 15 669 ótinish kelip túsken, onyń 4025-i Prezıdenttiń Vırtýaldy qabyldaýy arqyly qabyldanǵan. Osylardyń bárine ýaqtyly ári tıisti jaýap berildi. Bul Qasym-Jomart Kemelulynyń «Halyq únine qulaq asatyn memleket» tujyrymdamasynyń oryndalyp jatqanyn dáleldep, halqymyzdyń ál-aýqatyn arttyrý maqsatynda mańyzdy bastamalar qolǵa alynǵanyn kórsetedi. Atap aıtqanda, qoǵamdyq sanany jańǵyrtýǵa arnalǵan Ulttyq qoǵamdyq senim keńesi quryldy.

Budan bólek, qıyn jaǵdaıǵa tap bolǵan otbasylarǵa /kóp balaly otbasylar, múgedek balalary bar otbasylar, jetim balalar jáne t.b./ áleýmettik kómek kórsetý maqsatynda 500 myńnan astam azamattyń, 300 myń teńgege deıingi nesıelik qaryzy men ústeme tólemderi keshirildi. Bul jalpy alǵanda 107 mlrd teńgeni qurady.

Sonymen qatar Sırııadaǵy otandastarymyzdy qaqtyǵys alańynan alyp shyǵý maqsatynda qolǵa alynǵan «Jýsan» operasııalary sátti iske asyryldy.

Qazaqstan Prezıdenti jalpy halyqaralyq saparlary barysynda sheteldik memleket basshylarymen birlesip 8 brıfıng jáne 3 baspasóz máslıhatyn ótkizdi. Onyń otandyq jáne sheteldik buqaralyq aqparat quraldarynyń ókilderine bergen 16 suhbaty jarııalandy.

Qasym-Jomart Kemelulynyń Prezıdenttik laýazymdaǵy qyzmeti, atqaryp jatqan jumystary týraly jalpy 26 derekti fılm túsirilip, olar respýblıkalyq telearnalarda kórsetildi.

Memleket basshysy Tvıtter áleýmettik jelisin 2011 jyldan beri belsendi qoldanyp keledi. Memleket basshysynyń tvıtterinde 137 myń oqyrmany bar. Bıyl elimizdegi ózekti máselelerge, qoǵamda bolyp jatqan túrli oqıǵalarǵa qatysty úsh tilde /qazaq, orys, aǵylshyn/ 862 tvıt jarııalandy.

Sáýir aıynda ǵana ashylǵan Qasym-Jomart Kemelulynyń ınstagram jelisindegi paraqshasyna mıllıonǵa jýyq /955 myń/ jazylýshy tirkelgen. Búginge deıin 60 post jarııalandy" delingen prezıdent baspasóz hatshysynyń jazbasynda.

Ilmek sózder: Toqaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir