• USD 389.52
  • EUR 429.21
  • RUB 6.07
  • CNY 54.94
30 Qańtar, 04:18:49
Qazaqstan Ýkraınanyń saýda naryǵyna alańdaýly

24 Jeltoqsan, 2019 NEWS

"Túrmege qamaýdy toqtatyńdar". Almatyda ashtyq jarııalaǵan belsendilerdi qoldaý aksııasy ótti (vıdeo)

Foto: Qamshy.kz

24 jeltoqsanda bir top azamat Almatydaǵy ákimshilik jazaǵa tartylǵandardy ýaqytsha qamaý mekemesinde otyrǵan belsendilerdi qoldaý maqsatynda sol mekeme ǵımaratynyń aldynda aksııa ótkizdi. Aksııaǵa shamamen 50-ge jýyq azamat qatysty.

Jınalǵandar qoldaryna Qazaqstan týyn ustap, beıbit jıynǵa qatysqany úshin qamalǵan belsendilerdi bosatýdy talap etti. Aksııaǵa jınalǵan azamattardyń arasynda "Qazaqstannyń Demokratııalyq partııasyn" qurýǵa yntaly bastamashyl toptyń músheleri Janbolat Mamaı men Yrysbek Toqtasyn bar.

Jınalǵandar "Qazaqstannyń barlyq belsendileri jáne saıası tutqyndary bosatylsyn" degen talap qoıyp, "bılik zańdy belsheden basýdy qoısyn. Taldyqorǵanda jatqan bes batyrymyzdy bosatýdy talap etemiz" dep urandatty. 

Belsendi Saqyp Jańabaeva "Basyzdyqty toqtatyńdar. Túrmege qamaýdy toqtatyńdar. Sender bizdiń bostandyǵymyzdy shektep otyrsyńdar" Qazaqstannyń joǵary bıligin synǵa aldy. 

– Aron Atabek, Muhtar Jákishev jáne taǵy da basqa saıası tutqyndardy bosatýyn talap etemin. Olardyń ornyna bıliktegilerdiń ózin otyrǵyzý kerek. Bassyzdyqty toqtatyńdar. Túrmege qamaýdy toqtatyńdar. Sender bizdiń bostandyǵymyzdy shektep otyrsyńdar. 16 jeltoqsanda kóptegen belsendilerdiń erkindigin shektedińder. 16-sy kúni tańnan Qurmanǵazy Naızabekti, Aron Atabektiń ápkesi Madına Habıbollany, Aron Atabektiń aǵasy Rashıt Nutyshevty úıinen shyǵarmaı qoıdyńdar. 17 jeltoqsanda meniń qalada júrip-turýymdy shektedińder. Búgin óte saýatty bloger Azamat Baıkenovty 10 táýlikke qamap qoıdyńdar. Eger sender Azamat Baıkenovqa dórekilik tanytatyn bolsańdar, biz onda eshkimge baǵynbaıtynymyzdy málimdeımiz, – dedi ol.

Belsendiler qamaýdaǵy azamattardyń jaǵdaıyn bilý úshin ustaý mekemesine kirýge tyrysqanymen, olarǵa ondaı múkindik berilgen joq. Quqyq qorǵaýshylardyń aıtýynsha, belsendilerdiń advokaty bolmaǵandyqtan olardy ishke kirgizbegen.

Buǵan deıin 16 jeltoqsanda "ruqsat etilmegen jıynǵa qatysty" dep ustalǵan belsendilerdiń birnesheýi ýaqytsha ustaý mekemesinde ashtyq jarııalaǵany habarlanǵan edi.

16 jeltoqsanda Qazaqstannyń birneshe qalasynda 1986 jylǵy Jeltoqsan oqıǵasy men 2011 jylǵy Jańaózen oqıǵalarynda qurban bolǵan azamattardy eske alyp, rýhtaryna quran baǵyshtaǵan. Sol kúni tústen keıin Almaty men Nur-Sultanda jınalǵandar qala kóshelerinde "Shal, ket!" degen uranmen sherýletti. Polısııa sherýge qatysqan azamattardy jappaı ustady.

18 jeltoqsanda Qazaqstannyń ishki ister mınıstrligi Táýelsizdik kúni Almaty men Nur-Sultan qalasynda ruqsat etilmegen sherý ótkizbek boldy degen kúdikpen 55 adam ustalǵanyn málimdedi. Vedomstvo taratqan habarlamada Almaty qalasy boıynsha Táýelsizdik kúni 23 adam polısııaǵa jetkizilgeni aıtylǵan. 


Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir