qamshy.kz
Almaty oblysy Aqsý aýdandyq sotynda qytaı eliniń jumysshylaryn soqqyǵa jyqty dep aıyptalǵan Qyzylaǵashtyń bes turǵynyna qatysty kezekti sot otyrysy keıinge qaldyrylǵanyn habarlaǵan bolatynbyz.
Alaıda, qamalǵandardy qoldaýǵa kelgen 500-ge jýyq adam sot otyrysynyń búgin ótýin talap etýde. Olardyń narazylyǵyn týdyrǵan taǵy bir jaıt, is barysynda qazaqstandyq polısııa qyzmetkeri "Qytaılardy qazaqtar soqqyǵa jyqty" dep Qyzylaǵashtyń 5 turǵynyna qarsy kýáger bolǵany.
Jábirlenýshi kýágerdiń sózinshe, ol sol jerdegi azamattardy qutqarmaq bolǵan.
– Men qorǵaǵym keldi. Oqıǵanyń órship ketýine jol bermedim. Barlyǵyn qorǵadym, – dedi kýáger.
Eske sala ketsek, bıyl 8 qazanda Almaty oblysy Aqsý aýdany Qyzylaǵash aýylynyń turǵyndary qytaı azamattaryn soqqyǵa jyqqany týraly habarlanǵan bolatyn. Oǵan sebep, "Citic Construction" kompanııasynda jumys isteıtin qazaq-qytaı jumysshylary arasyndaǵy qaqtyǵys-tyn. Qytaılyq jumysshylardyń aryzy boıynsha Qyzylaǵash aýylynyń turǵyndary Berikbol Rysaldınov, aǵaıyndy Beıbit jáne Nurbol Muhmetalın, Erkin men Sarqyt Salhanovtar ustalǵan. Olar qasaqana dene jaraqatyn keltirgeni úshin aıyptalýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir