Toqaev stýdentterge mańyzdy keńes aıtty

Prezıdent Q.Toqaev Sáken Seıfýllın atyndaǵy Qazaq agrotehnıkalyq ýnıversıtetinde boldy, dep habarlaıdy Qamshy.kz aqparat agenttigi Aqorda saıtyna silteme jasap.

Memleket basshysy oqý ornynyń oqý-zertteý qyzmetimen tanysyp, oqytýshylar jáne stýdenttermen áńgime órbitti.

Ýnıversıtet rektory Aqylbek Kúrishbaev Prezıdentke molekýlalyq bıologııa men gendik ınjenerııanyń zamanaýı ádisterin qoldana otyryp, ósiriletin daqyldardyń jańa túrlerin tanystyrdy. 5 jyl ishinde ýnıversıtet ǵalymdary bıdaı men arpanyń qurǵaqshylyqqa tózimdi jańa sorttaryn jasap shyǵarǵan.

Qasym-Jomart Toqaevqa bıoorganıkalyq tyńaıtqyshtar óndirisinde jańa tehnologııalardy qoldaný, veterınarlyq júıeni sıfrlandyrý jáne janýarlardy tirkeý prosesi týraly aıtyldy.

Sonymen qatar, Qasym-Jomart Toqaevqa ýnıversıtettiń álemniń jetekshi ǵylymı jáne bilim berý ortalyqtarymen baılanysy týraly aqparat berildi. QazATÝ-degi halyqaralyq yntymaqtastyqtyń mańyzdy baǵyttarynyń biri eki deńgeıli bilimge kóshýge múmkindik beretin Fransııanyń AgroParisTech ýnıversıtetimen birlesip jasalǵan jol kartasyn júzege asyrý boldy.

Stýdenttermen kezdesý barysynda Memleket basshysy ozyq tehnologııalardy qoldanýdyń ózektiligin atap ótti.

– Sizder mańyzdy ispen aınalysyńyzdar. Ásirese, damyǵan elderde Robototehnıka, sıfrlandyrý jáne jasandy ıntellekt – qazirgi ómirdiń shyndyǵy. Sondyqtan biz eshqashan artta qalmaýymyz kerek. Jaqsy oqyńyz. Sebebi, siz ol arqyly bolashaq ómirde óz ornyńyzdy taba alasyz. О́ıtkeni, bizge jeke jáne memlekettik sektorda osyndaı mamandar qajet, – dedi Prezıdent.

О́z kezeginde stýdentter Qasym-Jomart Toqaevqa kórsetken qoldaýy úshin jáne 2020 jyldyń qańtarynan bastap stıpendııa mólsherin 25% -ǵa arttyrý týraly tapsyrmasy úshin alǵys bildirdi.

Samal Qojamjarova