• USD 389.52
  • EUR 429.21
  • RUB 6.07
  • CNY 54.94
29 Qańtar, 22:06:57
Qazaqstan Ýkraınanyń saýda naryǵyna alańdaýly

19 Jeltoqsan, 2019 Aımaqtar

Jambyldyq dárigerler jańa qondyrǵylarǵa qol jetkizedi

Qamshy.kz

Jambyl oblysy ákimdiginiń densaýlyq saqtaý basqarmasy tıimdi jobalardy qolǵa aldy. Basqarma men №1 Taraz qalalyq aýrýhanasy «OPTONIC» jaýapkershiligi shekteýli seriktestigimen memlekettik jekeshelik áriptestik aıasynda Nıderlandyq Philips kompanııasy shyǵarǵan AZURION 7B20 ıntervensııalyq hırýrgııaǵa arnalǵan angıografııalyq rentgenografııalyq júıeni jetkizý týraly uzaqmerzimdi jobany júzege asyrý maqsatynda úsh jaqty kelisim-shartqa qol qoıdy.

Sondaı-aq, Jambyl oblysy ákimdiginiń densaýlyq saqtaý basqarmasy jáne Shý qalalyq aýrýhanasy «DEMEU» jaýapkershiligi shekteýli seirktestigimen memlekettik jekeshelik áriptestik aıasynda «Kompıýterlik tomografpen jabdyqtaý men servıstik qyzmet kórsetý» uzaqmerzimdi jobasyn júzege asyrý maqsatynda kelisim-shartqa qol qoıdy. Endi 4 aı ishinde aýrýdy asqyndyrmaı, onyń aldyn-alýǵa múmkindik beretin, baǵasy qymbat, joǵary sapaly sheteldik zamanaýı kompıýterlik tomografııa Shý qalasyna jetkizilip, turǵyndar onyń ıgiligin kóre bastaıdy.

Joǵary sapaly tomograftyń qoldanylýy ınsýlt, tynys organdary aýrýlarynda, qaterli isiktiń paıda bolýynda, qan aınalymy júıesiniń buzylýynda, as qorytý organdary men aǵzanyń basqa da músheleriniń syrqatynda dıagnostıkany erte qoıý úshin asa mańyzdy. Onyń artyqshylyǵy - sanaýly sekýndta on eki músheni tolyqtaı tekserip, ózgeristi birden anyqtap beredi. Emdeý sharalary neǵurlym tez bastalsa, adam tezirek ońalady. Osylaısha, múgedektikke shaldyǵý jaǵdaılary azaıyp, ólim kórsetkishterin tómendetýge múmkindik týatyn bolady. Bizdiń bul jobadan kúterimiz kóp, aldaǵy ýaqytta turǵyndarǵa kórsetiletin medısınalyq kómektiń sapasy men qoljetimdiligin arttyrýdyń birden-bir joly osy bolmaq», – dedi oblystyq densaýlyq saqtaý basqarmasynyń basshysy Marat Jumanqulov.

Atalǵan jobalardyń quny 1 236 862,0 myń teńgeni quraıdy. Onyń ishinde: kompıýterlik tomograf – 402 405,0 myń teńge, angıograf – 834 457,0 myń teńge.

Aıta keteıik, angıografııa – qan-tamyrlar men onyń tóńiregindegi ulpalardy rentgen sáýleleri arqyly tekserýdiń jańa ádisi bolyp tabylady. Munyń tıimdiligi orasan. Qozǵalys shektelip, qan tamyrlary tarylyp, onda aqaý kóbeıgen tusta dıagnozdy dóp basýǵa septigin tıgizedi. Arnaıy apparat qantamyrǵa ornalastyrylatyn arnaıy kateter arqyly jumys isteıdi. Ol arqyly pasıentke operasııaǵa deıin jasalǵan barlyq zertteýler, ota kezindegi aǵzadaǵy ózgerister, derttiń qaı jerde, qandaı dárejede ekeni barlyǵy aınadaı kórinip, ońaı basqarylatyn sensor arqyly dárigerdiń baqylaýynda bolady.

Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir