04 Qarasha, 2019 NEWS
qamshy.kz
Nur-Sultanda tuńǵysh respýblıkalyq STEM olımpıadasynyń qorytyndysy shyǵaryldy. Barlyǵy 4 nomınasııa boıynsha 36 jeńimpaz komanda anyqtaldy. Olımpıadany Nur-Sultan qalasynyń ákimdigi men «Astana Innovations» AQ uıymdastyrdy. Konkýrsqa elimizdiń túkpir-túkpirinen 500-den astam oqýshyny quraǵan 140 komanda qatysty. «Innovasııalyq bilim olımpıadasy jyl saıyn ózindik rólin aıqyndaı túsedi. Al kelesi jyldan bastap halyqaralyq konkýrsqa aınalady», - deıdi «Astana Innovations» AQ basqarma tóraǵasy Arystan Qazjanov.
Bul is-shara ǵylymı jáne tehnıkalyq bilimniń damýyna zor áser etedi. Barlyǵy 4 nomınasııa boıynsha 36 jeńimpaz komanda anyqtaldy: 3D úlgileý, ınjenerlik matematıka, baǵdarlamalaý jáne jobalyq robototehnıka. Elordalyq №38 jáne №73 mektepteri, sondaı-aq Daryn MMI (Qaraǵandy qalasy) eń kóp nomınasııalarǵa ıe boldy.
Jeńimpazdar 3D prınter, noýtbýk, dron, robototehnıka jıyntyqtary, saýyqtyrý lagerine joldama sekildi túrli júldelerge ıe boldy.
Aıta keteıik, STEM – tehnıkalyq bilim berý salasyndaǵy sońǵy jetistikterdi qamtyǵan ınnovasııalyq olımpıada. Olımpıada ınjenerııa, baǵdarlamalaý, robototehnıka jáne 3D úlgileý sekildi ǵylymdardan turady. Qazaqstanda STEM zerthanalary byltyrdan bastap ashyla bastady. Olardyń alǵashqysy elordadaǵy №41 mektepke ornatyldy. Al búginde elimizde 90-nan astam STEM zerthana jumys istep tur.
Túrkitildes jýrnalıster qory
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir