21 Jeltoqsan, 2019 NEWS
Tengrinews.kz
Búgin, 21 jeltoqsanda Aqtóbe oblysynda kólikter jappaı soqtyǵysyp, 8 adam aýrýhanaǵa tústi. Oqıǵa Samara - Shymkent tas jolyndaǵy Hromtaý qalasynyń mańynda bolǵan. Bul týraly Aqtóbe oblystyq polısııa departamentiniń baspasóz qyzmeti habarlady.
Departamenttiń habarlaýynsha, halyqaralyq tas joldyń 859-shy shaqyrymynda 11 kólik jol apatyna ushyraǵan.
"Mersedes" avtokóliginiń júrgizýshisi rýlge ıe bola almaı, qarsy baǵyttaǵy "Vaz-21115" kóligimen soqtyǵysqan. Qaýipsizdik úshin polısııa barlyq kóliktiń júrýine tyıym saldy. Sol kezde Hromtaý qalasynan shyqqan "Volvo" júk kóligi jol jıeginde turǵan 9 kólikke soqtyǵysqan. Jol-kólik apatynyń saldarynan 8 adam Hromtaý aýdandyq aýrýhanasyna jetkizildi" - dep habarlady oblystyq polısııa departamentiniń baspasóz qyzmetiniń jetekshisi Erbolat Sarqulov.
Osy jyldyń 16 qyrkúıeginde Samara-Shymkent tas jolynyń boıynda Aqtóbe oblysy Besqopa aýylynyń mańynda eki kólik soqtyǵysyp, alty adam qaza tapqan edi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir