Qazaqstandyq sheneýnik Imanǵalı Tasmaǵambetovtyń anasy Dildá Qoqanova qaıtys boldy. Bul týraly Qazaqstannyń Reseıdegi elshiliginiń resmı saıty habarlady. 

Elshilik saıtynyń jazýynsha, Tasmaǵambetovtyń anasy 89 jasta bolǵan.

Imanǵalı Tasmaǵambetov osy jyldyń 9 jeltoqsanynda zeınet jasy, 63-ke tolǵan. Ol Qazaqstan Táýelsizdik alǵan jyldan beri joǵary bıliktegi laýazymdy qyzmetterdi atqardy. Qazaqstandy 30 jylǵa jýyq basqarǵan Nursultan Nazarbaevtyń jarlyǵymen úsh ret premer-mınıstrdiń orynbasary bolyp taǵaıyndalǵan, bir ret Qazaqstannyń premer-mınıstri boldy. Sonymen qatar Tasmaǵanbetov Nur-Sultan jáne Almaty qalalaryn, Atyraý oblysyn basqarǵan. Prezıdent ákimshiliginde basshy bolyp, memlekettik hatshy qyzmetin de atqarǵan. Eki jyl qorǵanys mınıstrligin basqarǵan. 2017 jyldan beri elshilik qyzmette boldy. Osy jyldyń 18 jeltoqsanda Qazaqstan prezıdenti Qasym-Jomart Toqaevtyń jarylyǵymen eldiń Reseıdegi elshisi Imanǵalı Tasmaǵambetov qyzmetinen bostylǵan. Aqordanyń resmı saıtyna shyqqan Toqaevtyń jarlyǵynda Tasmaǵambetovtyń zeınet jasyna tolýyna baılanysty qyzmetinen bosatylǵany aıtyldy.  

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir