"Muǵalim bolmaımyn!"

"Mektepke kettim!" dep anamnan suranyp kettim. Dereý mektep dırektoryna jettim! Ol kisi tapsyrma berip jatyp, qarý –jaraqtyń bárin qoldanýyma bolatynyn eskertti. Sodan ne kerek, avtomat asynyp, yshqyryma on shaqty granat baılap, ájethana aldyna zeńbirek qoıǵyzyp, sosyn pýlemetti sıpap, okopta jataıyn. Bir kezde on shaqty pedofılder kele jatty. Oılary-- oqýshy qyzdarǵa zorlyq jasaý ǵoı, ońbaǵandardyń! Júgirip zeńbirektiń qasyna keldim. Zeńbirekpen atsam ba eken? Qoıshy, olar tank emes qoı? Ol oıymnan aınyp, granat laqtyrǵym keldi. Qoıshy, jarylmaı qalyp, ásheıin basyna sart ete qalsa she? Bir kezde mektep janyndaǵy okoptan atyp shyǵyp, avtomatymdy kezenip:
–Oqýshylar qaýipsizdigi úshin alǵa! Ýrraaaa! –dep atoılap shabýyldaı qoıyp edim, ózge de ýralaǵan daýystardy estidim. Qarasam, mektep dırektorynan bastap, mekteptiń barlyq muǵalimderi shabýylǵa shyqqan eken! Qoldarynda sypyrǵy, kúrek, jýrnal, globýs, shbabra, shelek... Ańtarylyp turyp qalyppyn. Olar meni basyp ozyp, on shaqty pedofıldi qorshaýǵa aldy. Biri bormen atqylasa, ekinshisi oqýshylardan jınaǵan tıyndarmen uryp jatyr. Zulymdar da qarap qalmady, shalbarlaryn sheship, ustazdarǵa umtyldy. Sol kezde men:
– Jatyńdar, jatyńdar! –dep aıqaı saldym. Avtomattan atsam, muǵalimderge de oq tıip ketýi múmkin ǵoı? Muǵalimder tez túsine qoıdy. О́zderimen ala shyqqan kórpeshelerdi jaıa salyp, jalp–jalp jata ketisti. Men dereý pedofılderge oq japýdyrdym. Sóıtip, oqýshylar úshin jaý bolǵandardyń betin qaıtardyq. Dırektor arqamnan qaǵyp, alǵys jarııalady. Soǵan máz bolyp, erteńine dárethana mańyndaǵy saraı ishinde uıyqtap qalyppyn. Bireý túrtedi. Qarasam, polısııa bitken osynda.
– Dárethanany nege kúzetpeı uıyqtap qaldyń? –dep surady biri.
– Keshegi shabýyldan qatty sharshappyn..
– Qolyńdy qaıyryp, bólimshege alyp ketemiz!
Olar qolymdy qaıyra bergende... Iá, qolymdy qaıyra bergende, túsimnen shoshyp oıandym! Qudaı beti qurysyn, muǵalim bolmaımyn! Muǵalimde qaı bir bedel qaldy ájethana kúzetkennen keıin? Qurysyn, muǵalim bolmaımyn! Bolmaımyn dedim ǵoı!!!

Muhtar Sherim