SDÝ stýdentteri kitaptary jaryqqa shyqty

Qazaqstan Respýblıkasy Táýelsizdik kúni merekesine oraı Cýleıman Demırel ýnıversıteti stýdentteriniń tórt kitaby jaryqqa shyqty. Kitaptar alty túrli janrdaǵy, atap aıtqanda, áńgime, aýdarma, post, satıra, esse jáne hattar janry boıynsha jazylǵan ádebı shyǵarmalardan turady. 4 kitaptyń árqaısysy 1000 danamen «Samǵa» baspasynan basylyp shyqty. Joba jetekshileri ádebı kitaptardyń zamanaýı jastarǵa jol tartyp, óskeleń urpaqtyń ana tiline degen súıispenshiligin arttyraryna senimdi.

– Maqsatymyz – qazaq tilin jastarǵa nasıhattaý, qoldaný aıasyn keńeıtý, qalamgerlikti damytý, jańa sarynda jazatyn jas avtorlardy, jańa esimderdi tabý. Zaman aǵymyna baılanysty jańa kózqarastaǵy jastardy anyqtap qoldaý kórsetý, ádebıet álemine serpilis, jańa lep ákelý, jastardyń zamanaýı suranysyna ıe baǵyttardy qoldana otyryp, qazaq tildi kontentti damytýǵa úles qosý. Bizdiń bilimgerler basqa da jastarǵa úlgi-ónege bolsyn, kitap oqýǵa, jazýǵa degen yntasy artsyn degen nıette osy «Jas qalamger» jáne «Oqyrman báıgesi» jobalaryn qolǵa alyp otyrmyz, – deıdi joba jetekshisi, SDÝ oqytýshysy Qanat Ibragımov.

– Bul jınaqtarda ádebıet álemine alǵash qadam basyp, óz oı-sezimderin qaǵaz betine túsirgen jas qalamgerlerdiń týyndylary berildi. Jas býynnyń ózindik kózqarastary, tyń oılary oqyrmandaryna jańa óris ashady degen senimdemiz. Aldaǵy ýaqytta jas daryndardyń kókjıegin keńeıtetin osy eki saıysymyzdy respýblıkalyq deńgeıde ótkizýdi josparlap otyrmyz, – degen fakýltet dekany Eshjanov Talǵat myrza stýdentterge úlken qoldaý kórsetip keledi.

«Jas qalamger» jáne «Oqyrman báıgesi» saıystary bastapqy kezde bir pán men top aıasynda ótkizilip, ári qaraı kafedra, fakýltet jáne ýnıversıtet deńgeıine shyǵyp, kezeń-kezeń boıynsha óz jalǵasyn tapty. Nátıjesinde saıys jeńimpazdary men qatysýshylarynyń eńbekteri tolyq jınaq bolyp 5 kitap retinde jaryqqa shyǵyp otyr.

Eki saıysqa ýnıversıtet tarapynan 156 stýdent qatysyp, olardyń ishinen úzdik shyǵarmalar anyqtalyp, jeńimpazdar marapattaldy. Atap aıtqanda, «Áńgime» janrynda: «Qara nıet», «Shytynaǵan taǵdyr», «О́zim bilmeıtin qupııam», «Meni ózgertken mahabbat», «Adam bop ómirge kelgen soń...», «Panam sensiń», «Balalyq shaqqa saıahat», «Tar úı», «Jaqsylyq», «Dos kerek pe?», «Salaýatty bol!»; «Esse» janrynda: «О́mirdegi qıyndyqqa qalaı qarsy tura alamyz?», «Oqıǵadan túıgen oıym», «Jetimdi jylatpa!», «Oqıǵadan túıgen oıym»,«О́tken dáýirdegi qazaq dalasyndaǵy máselelerdi búgingi kúnmen ushtastyrý» «Meıirimdilik – álemniń jaryǵy»; «Hattar» janrynda «Ana seniń áldıiń júregimde....», «Eń qadirli janǵa hat», «Júrek tórinen oryn alǵan teńdessiz tulǵaǵa hat», «Sol bir janǵa», «Anashyma hat», «Jaýapsyz hat», «Ákege hat»; Aýdarma jarynda: «Toqash urysy», «Beıbitshilik degen ne?», «Zerektik», «О́mirdiń máni», «Jańǵyryq», «Hanshaıym jáne burshaq», Súıispenshilik shyńy, Tátti botqa; Post janrynda: «Taǵdyryńnyń aldyn orap asyqpa», «Sen de – bir boq kótergen boqtyń qaby», «Aınalandaǵy ómir seni qajet etpeıdi, ómir saǵan qajet…», «Meni jazýǵa qyzyqtyrǵan jan...», «Telefon meniń, seniń, onyń balalyq shaǵyn urlady!», «El bolam deseń...»; Satıra janrynda: «Bos maqtanshaqtyq», «Almanyń qurty» týyndylarynyń avtorlary júldeli oryndarǵa ıe boldy. Úzdik shyǵarmalardy anyqtaýda qazylar alqasy ár janr boıynsha qalamgerlerdiń tildik qoldanysyna, sóz saptaý sheberligine, logıkalyq oılaýyna erekshe mán bergen.

Uıymdastyrýshylar jobanyń kelesi kezeńin Almaty qalasynyń joǵary oqý oryndary arasynda uıymdastyryp, jastardyń suranysyna ıe bolǵan jaǵdaıda, Respýblıka kóleminde aýqymdy is-shara retinde ótkizýdi kózdep otyr. Mundaǵy maqsat – jobaǵa mektep oqýshylaryn, stýdentterdi, jas qalamgerlerdi, tipti eresek avtorlardy tartý.

– «Bir ulttyń tili – sol ulttyń tarıhynyń aınasy, seziminiń jaýhary» degendeı, bul ádebı saıystar jazýǵa degen qushtarlyǵymdy arttyryp, shyǵarmashylyq álemmen ushtastyrdy. Men áńgime janrynda jazylǵan «Qara nıet», «Shytynaǵan taǵdyr» atty týyndylarymdy báıgege tigip bas júldege ıe boldym. Áńgimelerge arqaý bolǵan oqıǵalar ómirden alynǵan, sebebi shyǵarmalarymyzdyń eń basty erekshiligi – shynaıylyq, – dep bólisti «Qazaq tili jáne ádebıet» mamandyǵynyń 3-kýrs stýdenti Gúlden Ázilbek.

Al osy mamandyqtyń 4-kýrs stýdenti Málike Serǵaly, bolsa, jobaǵa qatysý arqyly, jas jetkinshekterge qııal-ǵajaıyp janrda týyndylar jazýdy mashyqtap júr.

– Qazir bolashaq mamandyǵym boıynsha balalarǵa bilim berý ortalyǵynda qosymsha jumys isteımin jáne oqýshylarǵa jazý daǵdysyn qalyptastyrýdy úıretip júrmin. Maqsatym – olardy erkin oılaýǵa, qııal-ǵajaıyp oqıǵalar jazýǵa umtylysyn arttyryp, jańa janrdaǵy týyndylardy dúnıege ákelýge sebepshi bolý, – degen kózqarasta jas qalamger Málike.

Al birneshe janr boıynsha júldeli oryn alǵan Aıdana Qýanyshbek óziniń jazba jumystarymen árdaıym qurbylarymen bólisip otyratynyn, olarǵa dostyq aqyl-keńesin berip otyratynyn jetkizdi.

«Bulaq kórseń, kózin ash» demekshi, jas qalamgerlerdiń shyǵarmashylyq qabiletin jetildirip, olarǵa baǵyt-baǵdar berip otyrǵan «Shabyt» qalamgerler klýbynyń «Meni ózgertken mahabbat», «Jasyrmaımyn», «О́mirdiń máni ne?» jáne «Saǵyndym ǵoı...» atty kitaptarynyń tusaýkeseri ýnıversıtet qabyrǵasynda ótti. Tusaýkeser saltanatyna SDU rektory Qýanysh Erǵalıev, fakýltet dekany Talǵat Eshjanov, kitap redaktorlary Bereke Jumaqaeva, Aqbota Abıyr, Baıan Kerimbekova, Jaınagúl Dúısebekova jáne ýnıversıtet oqytýshylary men stýdentter qatysty.