• USD 468.56

  • EUR 497.56

  • RUB 7.3

  • CNY 67.18

28 Naýryz, 14:20:56
Almaty
+35°

Ishki ister mınıstrligi kóshi-qon qyzmetin jeńildetý jáne kórsetiletin memlekettik qyzmetterdi jedeldetý jumystaryn júrgizip jatyr, dep habarlaıdy  Qamshy.kz aqparat agenttigi vedomstvonyń baspasóz qyzmetine silteme jasap.

Bıyl IIM «Sheteldikti shaqyrý» qyzmetin elektrondy formatqa ózgertti. Elge kirýge arnalǵan shaqyrýdy rásimdeý – Ishki ister mınıtrligi kórsetetin eń suranysqa ıe qyzmetterdiń biri.

Qazaqstanǵa kelgisi keletin sheteldikter qujat jınap, Qazaqstan elshiligine jeke kelip, jaýabyn kútýi kerek jáne ol 30 kún, tipti odan da uzaqqa sozylyp ketetin. Endi bul qyzmetti úıden shyqpaı www.vmp.gov.kz portalynan 5 kún ishinde alýǵa bolady. Portalda shaqyrýdy rásimdep jatqan sheteldikke mynalar qajet: 

– ótinimdi toltyryp, sheteldiktiń málimetterin engizý, 

– elektrondy úkimet tólem shlıýzi arqyly memlekettik salyqty tóleý (ár shaqyrylǵan azamatqa 0,5 AEK), 5 jumys kúni ótkennen keıin ótinim berýshiniń jeke kabınetine shaqyrýdyń 10 tańbaly tirkeý nómiri keledi, ony sheteldik azamatqa habarlaý kerek. 

– sheteldik azamat shaqyrý – kóshi-qon portalynda ótinimdi toltyrady.

15 mınýt ótkennen keıin sheteldik azamat elektrondy vızaǵa ıe bolady, ol vızany qaǵazǵa shyǵaryp, Qazaqstan shekarasynda pasporttyq tekseristen ótý kezinde Shekara qyzmeti qyzmetshilerine kórsetýi kerek. Qazir sheteldikterdi elektrondy shaqyrý qyzmeti Qazaqstanǵa jumys babymen keletin adamdarǵa «V1», «V2» jáne «V3» bir rettik vızasyn, jeke maqsatpen kelgenderge «V10» sanatty vıza jasaýǵa bolady.

Elektrondy vıza arqyly Nur-Sultan jáne Almaty qalalaryndaǵy halyqaralyq áýejaılardan ótýge bolady. Qazaqstan Respýblıkasynyń shekarasynan mundaı tártippen ótkizýdi basqa qalalarda 2020 jyldyń ishinde engizý josparlanyp otyr.

"Qamshy" silteıdi
Ilmek sózder: vıza

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir