• USD 389.52
  • EUR 429.21
  • RUB 6.07
  • CNY 54.94
30 Qańtar, 04:17:59
Qazaqstan Ýkraınanyń saýda naryǵyna alańdaýly

20 Jeltoqsan, 2019 Álemde

Máskeýdegi atys týraly ne belgili? (vıdeo)

Tass.ru

19 jeltoqsan kúni keshke qaraı belgisiz adam Reseı astanasy Máskeý ortalyǵyndaǵy "Bolshaıa Lýbıanka" kóshesindegi № 12 úıdiń janynda oq atqan. Bul týraly Reseı qaýipsizdik qyzmetine silteme jasap TASS aqparat agenttigi habarlady. 

Agenttiktiń jazýynsha, atys saldarynan Federaldy qaýipsizdik qyzmetiniń bir qyzmetkeri kóz jumǵan. Reseıdiń densaýlyq saqtaý mınıstrligi arnaıy qyzmettiń eki qyzmetkeri aýyr jaraqat alǵanyn aıtqan. Sońǵy málimetter boıynsha, atys saldarynan barlyǵy bes adam zardap shekti.


Oq atqan kúdikti qaza tapqan. Onyń kim ekeni anyqtalyp jatyr. FQQ kúdiktiniń jalǵyz áreket etkenin habarlady. Sondaı-aq, FQQ kúdiktiniń arnaıy qyzmet ǵımaratyna kirip ketkenin joqqa shyǵardy.


Buǵan deıin birneshe reseılik  BAQ  atysty úsh adam bastaǵany týrayl aqparat taratqan edi. 

Qazir Reseıdiń  Qylmystyq kodeksiniń 317 baby ("quqyq qorǵaý organdary qyzmetkeriniń ómirine qol suǵýshylyq") boıynsha qylmystyq is qozǵalǵan. 

TASS agentiginiń jazýynsha, Reseı prezıdenti Vladımır Pýtın atystan habardar. Oqıǵa ornynda avtokólikterge qozǵalysy toqtatylyp, avtobýstar ózgertilgen baǵyttar boıynsha qozǵalyp jatyr. "Bolshaıa Lýbıanka" men sol mańdaǵy qıylysatyn kósheler jaıaý júrginshiler úshin jabylǵan. Ustalyq kópir men Bolshaıa Lýbıankadaǵy tamaqtanatyn oryndar jáne saýda núkteleri jabyq. Ortalyq balalar dúkeni shtattyq rejımde jumys istep jatyr. Onyń aınalasynda quqyq qorǵaý organdarynyń qyzmetkerleri kezekshilik etip tur. 

Atys bolǵan ornynda órt sóndirý mashınasy, jedel járdem, polısııa jáne reanımasııa mashınalary bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir