16 jeltoqsan kúni zańsyz aksııaǵa qatysty dep aıyptalyp, Nur-Sultandaǵy ýaqytsha ustaý ızolıatoryna 15 táýlikke qamalǵan belsendi Dýlat Aǵadil "taǵy da ustalǵanyna qarsylyq bildirip shege jutqan". Bul týraly Aǵadilmen birge 10 táýlikke qamalǵan belsendi Gúlmıra Halyqovanyń sózine silteme jasaǵan Azattyq Radıosy habarlady.

Halyqova Azattyq tilshisine "Dýlat Aǵadil advokaty Danııar Aqtanovtan 23 jeltoqsanǵa belgilengen qylmystyq isti keıingi qaldyryp, taǵy da ustalǵanyna qarsylyq bildirý maqsatynda shege men bolt jutqanyn áleýmettik jeli arqyly habarlaýyn surady" dep aıtqan.  

Buǵan qosa, Halyqova Azattyq tilshisine mekeme ishinde aıqaı-shýdan keıin dárigerler brıgadasy kelgenin aıtqan. Al jedel jerdemniń anyqtama qyzmeti Azattyq tilshisine "Dýlat Aǵadil Shákirulyna shaqyrtý túskenin" rastaǵan. Shaqyrtý qońyraýy 18 jeltoqsan saǵat 23.46-da túsken.

Azattyq jazýynsha, olar Aǵadildiń densaýlyǵy jaıly aqparat alý úshin ýaqytsha ustaý ızolıatoryna barǵan, alaıda qyzmetkerler qandaı da bir aqparat berýden bas tarqan. Nur-Sultan qalalyq polısııa departamenti baspasóz qyzmeti de kommentarıı bermegen.

Dýlat Aǵadil 16 jeltoqsanda "beıbit sherýler ótkizý jáne uıymdastyrý tártibin buzdy" dep aıyptalyp, 15 táýlikke qamalǵan. Ol 16 jeltoqsanda Nur-Sultanda zańsyz mıtıngige qatysty dep aıyptalǵan. Sol kúni Almaty men Nur-Sultanda qala kóshelerde beıbit sherýge shyqqan azamatardy polısııa jappaı ustap, keıbiri ákimshilik jazaǵa tartylǵan edi. 

13 qarashada Aqmola oblysy Selınograd aýdany Talapker aýylynyń turǵyny, belsendi Dýlat Aǵadildiń osy aýdandaǵy tergeý ızolıatorynan "qashyp ketkeni" týraly aqparat áleýmettik jelilerde taraǵan. Keıin, 15 qarashada Aǵadil bas prokýratýra ǵımaratnyń aldyna kelip, ızolıatordan qashyp ketkenin "zańsyz qýdalaýǵa qarsylyǵym" dep túsindirgen. Ol osy áreketi úshin sot qaýlysyn oryndamady dep aıyptalyp, taǵy 6 táýlikke sottalǵan bolatyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir