19 Jeltoqsan, 2019 Saıasat
Janbolat Mamaı 16 jeltoqsanda qamalǵandardy qoldaýǵa shaqyrdy
Qazir Qazaqstan halyqaralyq Adam quqyǵy bıýrosynyń málimetinshe Almatyda ákimshilik qamaýda 16 adam otyr. Olarǵa qoldaý kerek.
FOTO DANIIаRA MÝSIROVA
Bul týraly QDP bastamashysy Janbolat Mamaı óziniń «Feısbýk» jelisinde málimdedi dep habarlaıdy «Qamshy.kz» aqparat agenttigi.
«16 jeltoqsan kúni beıbit sherýge qatysqan jáne oǵan qatysýy múmkin degen «aıyppen» birneshe táýlikke ákimshilik qamaýǵa alynǵan azamattardy qoldaýǵa shaqyramyn! Olar ózderiniń konstıtýsııalyq quqyǵyn paıdalanyp, beıbit mıtıngige shyqty. Osy úshin bılik bulardy qýdalap jatyr. Osyndaı jaǵdaıda bir-birimizdi qoldaý, qorǵaý – elde ózgeris jasaǵysy keletin árbir azamattyń mindeti, paryzy dep sanaımyn. Dál erteń solarǵa qoldaý bildirip, bul azamattarǵa qoldan kelgenshe azyq-túlik aparýǵa shaqyramyn. Saǵat 12:00-de sol jerde kezdeseıik!» – dep úndeý tastaǵan QDP bastamashysy.
Sonymen birge, ol qamaýda otyrǵan azamattardyń da tizimdigin qosa jarııalaǵan. (jeke kýálik boıynsha berilse kerek – red.) Olardyń tizimi:
Ashat Jeksebaev, Qanat Djakýpov, Mýratov Daýlet, Tasybekov Shalkar, Aıtbaev Marat, Valıev Darhan, Kýrbanov Marat, Kalıev Nýrlan, Rahımjanov Noıan, Nýrlan Esenov, Sabanshıev Erkın, Esjanov Jenıs, Nýrbaı Raıymbek, Kemelbaev Nýrlan, Shınıbekov Ashat, Ýteýlov Kasymhan.
Eskerte keterligi, qoǵam belsendisiniń aıtýynsha, baqylaýdaǵy azamattarǵa kerekti zattar saǵat 12-den 13-ke deıin ǵana qabyldanady. Azyq-túlikten mynadaı zattar berýge bolady: shaı, qant, nan, sýsyndar (ashylmaǵan), kámpıtter, pechene, alma, lımon jáne basqa da jemister, temeki. Ystyq tamaqty qabyldamaıdy.
Meken-jaıy: Almaty qalasy, Lobachevskıı kóshesi, 10.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir