• USD 389.52
  • EUR 429.21
  • RUB 6.07
  • CNY 54.94
29 Qańtar, 22:10:20
Qazaqstan Ýkraınanyń saýda naryǵyna alańdaýly

19 Jeltoqsan, 2019 NEWS

Qazaqstandyqtar jańa jyldyq syılyqtarǵa qansha qarjy jaratady?

novogodnie-podarki.com

Jańa jylǵa kóp aqsha "shashpaıtyn" qazaqstandyqtardyń qatary artyp keledi. Bundaı qorytyndyny Solvo mıkroqarjy uıymy 25 pen 60 jas aralyǵyndaǵy 5 myń adam qatysqan zertteý jumysynyń negizinde jasaǵan.
 
Suralǵandardyń basym bóligi (28,85%) jańa jyldyq syı-sııapatqa 30 myń men 50 myń teńge aralyǵynda aqsha jaratýǵa daıyn ekenin aıtqan. Al respondentterdiń 25 paıyzy syılyqqa 10 myń men 30 myń teńge shamasynda qarajat jumsaıdy eken.
 
Bul somaǵa ádette qazaqstandyqtar kosmetıkalyq jáne parfıýmerlik ónimder, qymbat alkogoldik sýsyndar, paıdaly gadjetter men úı taýarlaryn, kıim-keshek pen aıaq kıim tańdaıdy.
 
Saýalnamaǵa qatysqandardyń 13,46 paıyzy qaltasynyń 50 myńnan 100 myń teńgege deıingi syılyqtardy kóteretinin málim etse, 15,38 paıyzy jaqyndaryn 100 myń teńgeden bastalatyn zattarmen qýantýǵa ázir. Bul kategorııadaǵy azamattar qymbat ıissý, saǵat, smartfon jáne ózge elektrondyq qurylǵylar alýǵa áýes.
 
Zertteýge qatysqandardyń 9,6 paıyzy 10 myń teńgege deıingi syılyqtardy alatynyn aıtqan. Olar ádette kondıterlik ónimder, aqqaınar jáne úıge arnalǵan uzaq-túıek zattardy syılaıtyn kórinedi.
 
Suralǵandardyń 7,69 paıyzy jańa jylda eshkimge syılyq jasamaıtynyn jasyrmaǵan.
 

Sońǵy jyldary naryqta estelik syılyqqa degen suranystyń kemigeni baıqalyp otyr. Onyń ornyna qazaqstandyqtar merekede mol dastarhan jaıǵandy qup kóredi.

Sondaı-aq qazaqstandyqtar arasynda syılyq jasaý úrdisiniń jyl ótken saıyn keń taralyp kele jatqany da baıqalady. Alaıda syılyqtarǵa jumsalatyn qarajattyń ortasha somasy tómendegen.

Ilmek sózder: jańa jyldyq syılyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir