19 Jeltoqsan, 2019 Barlyq aımaqtar
Latyn grafıkasyna kóshý jumystarynyń nátıjesi jáne aldaǵy mindetter talqylandy
Ulttyq komıssııa janynan qurylǵan 4 jumys tobynyń latyn grafıkasyna kóshý boıynsha atqarylǵan jumystary qorytyndylandy.
qamshy.kz
Almaty qalasynda Qazaqstan Respýblıkasynyń Ulttyq kitaphanasynyń májilis zalynda Qazaqstan Respýblıkasy Mádenıet jáne sport mınıstrligi Til saıasaty komıteti men Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen 2019 «Latyn grafıkasyna kóshý jumystarynyń nátıjesi jáne aldaǵy mindetter» atty Ulttyq komıssııa janynan qurylǵan Orfografııalyq, Ádistemelik, Termınologoııalyq jáne Saraptama-tehnıkalyq jumys toptarynyń birikken otyrysy ótti.
Otyrysqa Til saıasaty komıtetiniń tóraǵasy Ǵ.Meldeshov jáne Orfografııalyq, Ádistemelik, Termınologııalyq, Saraptama-tehnıkalyq jumys toptaryny músheleri qatysty.
Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń atqarýshy dırektory Erbol Tileshov «Atqarylǵan jumystar men mindetter», A. Baıtursynuly atyndaǵy Til bilimi ınstıtýtynyń Onomastıka bóliminiń meńgerýshisi Rysbergen Qyzdarhan «Qazaqstan azamattary aty-jónderiniń jáne Qazaqstan geografııalyq ataýlarynyń latyngrafıkaly álipbı negizinde jazylý erejeleri», A. Baıtursynuly atyndaǵy Til bilimi ınstıtýtynyń Grammatıka bóliminiń meńgerýshisi Orynaı Jubaeva «Qazaq tiliniń pýnktýasııalyq erejesi» jáne Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń ǵalym hatshysy Anar Fazyljanova «Álipbıdi jetildirýge baılanysty aprobasııalyq jumystar nátıjesi» taqyrybynda baıandamalar jasady.
Sonymen birge jumys toptarynyń músheleri aldaǵy ýaqytta atqarylatyn jumystarǵa baılanysty usynystary naqtylandy.
Sharaǵa qatysýshy Janat Aımaǵanov latyn grafıkasyna negizdelgen qazaq álipbıin jetildirýge qatysty jobasyn usynyp, ǵalymdar tarapynan talqylandy.
Otyrysta Ulttyq komıssııa janynan qurylǵan 4 jumys tobynyń latyn grafıkasyna kóshý boıynsha 2019 jyly atqarylǵan jumystary qorytyndylandy. Jumys toby músheleriniń ádistemelik quraldar ázirleýdegi esebi tyńdaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir