Atom elektr stansııasy qandaı jaǵdaıda salynýy múmkin?

Qazaqstanda elektr qýaty tapshylyǵy týyndaǵan jaǵdaıda atom elektr stansııasy salynýy múmkin. Bul týraly baspasóz máslıhatynda Qazaqstan energetıka mınıstriniń orynbasary Áset Maǵaýov aıtty dep jazady Qamshy.kz aqparat agenttigi sputniknews.kz saıtynyń deregin negizge alyp. 

Burynǵy energetıka mınıstri Qanat Bozymbaev "bul joba Qazaqstanda júzege asyryla ma?" dep suraǵan jýrnalısterge elektr stansııasyn salý týraly áli eshqandaı sheshim qabyldanbaǵanyn jetkizgen edi. Onyń aıtýynsha, AES salý týraly másele kóterilgen jaǵdaıda, ol mindetti túrde qoǵamdyq tyńdaýlarda qaralady.

"Sol kezde mınıstrliktiń resmı ustanymy aıtyldy. Biz ony ustanamyz: qazir bizdiń naryq elektr qýatymen tolyqtaı qamtamasyz etilgen. Jalpy, eger bolashaqta tapshylyq bolsa, atom nemese kómir stansııasynyń bireýin tańdaý týraly másele qarastyrylady", - dedi Áset Maǵaýov.

Qazirgi ýaqytta, vıse-mınıstr atap ótkendeı, atom elektr stansııasynyń qurylysyn bastaý týraly aıtýǵa áli erte. Sońǵy sheshimdi qabyldaýǵa elektr qýaty tapshylyǵynyń bolý-bolmaýy yqpal etpek.

Esterińizge sala keteıik, buǵan deıin memleket basshysy Qasym-Jomart Toqaev 2030 jylǵa qaraı Qazaqstan elektr qýaty jetispeýshiligine tap bolatynyn málimdegen edi, alaıda prezıdent atom elektr stansııasyn salý máselesinde turǵyndardyń pikiri eskerilýi tıis ekenin atap ótti.