Syrtqy ister mınıstri Tasmaǵambetovtyń ne sebepti qyzmetinen bosatylǵanyn aıtty

Qazaqstannyń Syrtqy ister mınıstri Muhtar Tileýberdi eldiń Reseıdegi elshiligin basqarǵan Imanǵalı Tasmaǵambetovtyń qyzmetinen óz erkimen ketkenin aıtty. Bul týraly Tileýberdi búgin, 19 jeltoqsanda jýrnalısterge beregen suhbatynda málimdedi.

"Ol óz erkimen jáne zeınet jasyna tolǵandyqtan ketti. Meniń túsinýim boıynsha, ol endi Syrtqy ister mınıstrligi salasynda qalmaıdy"– dedi Tileýberdi. 

Keshe, 18 jeltoqsanda Qazaqstan prezıdenti Qasym-Jomart Toqaevtyń jarylyǵymen eldiń Reseıdegi elshisi Imanǵalı Tasmaǵambetov qyzmetinen bostylǵan. Aqordanyń resmı saıtyna shyqqan Toqaevtyń jarlyǵynda Tasmaǵambetovtyń zeınet jasyna tolýyna baılanysty qyzmetinen bosatylǵany aıtyldy. 

Tasmaǵambetov osy jyldyń 9 jeltoqsanynda zeınet jasy - 63-ke tolǵan. Ol Qazaqstan Táýelsizdik alǵan jyldan beri joǵary bıliktegi laýazymdy qyzmetterdi atqardy. Ol Qazaqstandy 30 jylǵa jýyq basqarǵan Nursultan Nazarbaevtyń jarlyǵymen úsh ret premer-mınıstrdiń orynbasary bolyp taǵaıyndalǵan, bir ret Qazaqstannyń premer-mınıstri bolǵan. Sonymen qatar Tasmaǵanbetov Nur-Sultan jáne Almaty qalalaryn, Atyraý oblysyn basqarǵan. Prezıdent ákimshiliginde basshy bolyp, memlekettik hatshy qyzmetin de atqarǵan. Eki jyl qorǵanys mınıstrligin basqarǵan. 2017 jyldan beri elshilik qyzmette boldy. 

2006 jyly Tasmaǵambetov Almaty qalasynda ákim bolǵan turǵan kezde "Shańyraq" oqıǵasy oryn aldy.