• USD 389.52
  • EUR 429.21
  • RUB 6.07
  • CNY 54.94
29 Qańtar, 22:11:00
Qazaqstan Ýkraınanyń saýda naryǵyna alańdaýly

18 Jeltoqsan, 2019 Saıasat

Toqaev bir jylda úsh qyzmet aýystyrǵan Ábilqasymovany qabyldady

Akorda.kz

Búgin, 18 jeltoqsan Qazaqstan prezıdenti Qasym-Jomart Toqaev qarjy naryǵyn retteý jáne damytý agenttiginiń tóraǵasy Mádına Ábilqasymovany qabyldady. Bul týraly Aqorda saıty habarlady. 

Mádına Ábilqasymova búgin ǵana Toqaevtyń jarlyǵymen ulttyq bank tóraǵasynyń orynbasary qyzmetinen bosap, jańadan qurylǵan qarjy naryǵyn retteý jáne damytý agenttiginiń tóraǵasy bolyp taǵaıyndalǵan edi. 

Aqordanyń jazýynsha, kezdesý barysynda Toqaev Ábilqasymovaǵa "bank júıesin turaqtandyrýdy jáne qarjy sektoryn damytýdy qamtamasyz etýge qatysty birqatar naqty tapsyrma" bergen.

Aqorda saıtynda Ábilqasymova basshylyq etetin jańa agenttik Almaty qalasynda ornalasatyny aıtylǵan. 

Mádına Ábilqasymova 2019 jyly úsh ret qyzmet aýystyrdy.  40 jastaǵy Ábilqasymova osy jyldyń aqpanynda eldiń sol kezdegi el prezıdenti Nursultan Nazarbaev taratyp jibergen Baqytjan Saǵyntaev úkimetimen birge otstavkaǵa ketken. Ábilqasymova ol kezde eńbek jáne halyqty áleýmettik qorǵaý mınıstrligin basqaryp turǵan. 

Jańa mınıstrler kabıneti jasaqtaǵanda Ábilqasymova ulttyq ekonomıka vıse-mınıstri retinde úkimetke qaıta oraldy. Biraq ol bul qyzmetti 16 kún ǵana atqardy. Nazarbaev merzimen buryn prezıdenttik ókiletigin toqtatqan soń ornyna kelgen ýaqsha prezıden Qasym-Jomart Toqaev Ábilqasymovany Ulttyq bank tóraǵasynyń orynbasary etip taǵaıyndaǵan. 

Ábilqasymova 1999 jyldan beri Úkimet qurylymynda jumys isteıdi. Buryndary premer kanselıarııasy bólimi basshysynyń orynbasary, ekonomıkalyq damý jáne saýda vıse-mınıstri, ekonomıka men bıýdjetti josparlaý vıse-mınıstri bolyp istegen.

Mádına Ábilqasymova – buryn parlament májilisiniń depýtaty bolǵan Erasyl Ábilqasymovtyń qyzy. 2005 jyly Ábilqasymov Qazaqstan prezıdenttigine kandıdat bolyp, saılaýda barlyq daýystyń 0,34 paıyzyn jınaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir