18 Jeltoqsan, 2019 NEWS

Taǵy bir sheneýnik qyzmetinen bosatyldy

Búgin, 18 jeltoqsanda prezıdent Qasym-Jomart Toqaev birqatar kadrlyq aýys-túıis jasaǵan edi.

Miid.gov.kz

Qazaqstan Úkimetiniń qaýlysymen Tımýr Toqtabaev basqa jumysqa aýysýyna baılanysty ındýstrııa jáne ınfraqurylymdyq damý vıse-mınıstri laýazymynan bosatyldy. Bul týraly búgin, 18 jeltoqsanda Qazaqstan premer-mınıstriniń baspasóz qyzmeti habarlady. 

Premer-mınıstrdiń baspasóz qyzmeti taratqan habarlamada Toqtabaevtyń qandaı qyzmetke aýysqany aıtylmaǵan. 

Toqtabaev 1981 jyly dúnıege kelgen, 2011 jyldan bastap Qazaqstannyń ındýstrııa jáne ınfraqurylymdyq damý mınıstrliginde jumys istedi. 

Búgin, 18 jeltoqsanda prezıdent Qasym-Jomart Toqaev birqatar kadrlyq aýys-túıis jasaǵan edi. Toqaevtyń jarlyǵymen Qanat Bozymbaev energetıka mınıstri qyzmetinen bosatylyp, prezıdent kómekshisi bolyp taǵaıyndaldy. Al shilde aıynan beri prezıdent kómekshisi mindetin atqarǵan Máýlen Áshimbaev Darhan Káletaevtyń ornyna prezıdent ákimshiligi jetekshisiniń birinshi orynbasary bolyp taǵaıyndaldy. Káletaevtyń qandaı qyzmetke taǵaıyndalǵany ázirge belgisiz. Sonymen qatar, Mádına Ábilqasymova ulttyq bank tóraǵasynyń orynbasary qyzmetinen bosap, qarjy naryǵyn retteý jáne damytý agenttiginiń tóraıymy bolyp taǵaıyndaldy. Ol naýryz aıynan beri ulttyq bank tóraǵasynyń orynbasary bolǵan. Buǵan qosa, búgin Toqaev taǵy bir sheneýnikti qyzmetinen bosatty. 2017 jyldan beri Qazaqstannyń Reseıdegi elshiligin basqaryp kele jatqan Imanǵalı Tasmaǵanbetov zeınet jasyna tolýyna baılanysty Toqaevtyń jarlyǵymen qyzmetinen ketti. 

Ilmek sózder: Tımýr Toqtabaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir