Kórneki sýret
"Eır Astana" áýe kompanııasynyń ushaǵynda Qazaqstan azamatynyń qarajatyn urlaǵan qytaılyq ustaldy. Bul týraly Nur-Sultan qalasy kóliktegi polısııa departamenti habarlady.
Departamenttiń málimdeýinshe, 40 jastaǵy qazaqstandyq áıeldiń "Eır-Astana" áýe kompanııasynyń "Beıjiń-Nur-Sultan" baǵytyndaǵy ushaǵynda qoldy bolǵan aqshasy 1993 jyly týǵan qytaılyqtyń sómkesinen tabylǵan.
"Nur-Sultan qalasy áýejaıynyń jelilik polısııa bólimine 40 jastaǵy Qazaqstan azamatshasy júginip, «Eır Astana» áýe kompanııasynyń «Beıjiń-Nur-Sultan» baǵytyndaǵy áýe kemesimen ushyp kele jatqanda qol sómkesindegi 4 500 AQSh dollarynyń (1 744 290 teńge) joǵalǵanyn aıtyp shaǵymdandy. Kólik polısıeıleri jedel izdeý barysynda osy reıspen ushyp kelgen 1993 jyly týǵan QHR azamatshasyn anyqtap, ustady. Qytaı azamatshasynyń sómkesin tekserip qaraý barysynda joǵalǵan 1 744 290 teńge tabyldy" - delingen departamen habarlamasynda.
Departamenttiń málimdeýinshe, Qytaılyq azamat óz kinásin tolyqtaı moıyndaǵan.
"QHR azamatshasy kinásin tolyqtaı moıyndady. Urlanǵan aqsha tárkilenip, ıesine qaıtaryldy. Nur-Sultan qalasy Esil aýdandyq sotynyń úkimimen QHR azamatshasy Qylmystyq kodekstiń 188-baby 3-tarmaǵy 1-tarmaqshasynda kózdelgen qylmysty jasaǵany úshin kináli dep tanyldy. Oǵan shartty túrde 3 jylǵa bas bostandyǵyn aıyrý, májbúrli túrde Qazaqstan Respýblıkasynan tysqary shyǵarý, 5 jyl merzimge Qazaqstan Respýblıkasynyń aýmaǵyna kelýge tyıym salý jazasy taǵaıyndaldy" delingen departament taratqan aqparatta.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir