Bozymbaev qyzmetin ne úshin aýystyrǵany belgili boldy

Energetıka mınıstrliginiń baspasóz hatshysy Nurlybek Jeńisbek Qanat Bozymbaevtyń ne úshin qyzmetinen ketkenin aıtty dep jazady Qamshy.kz aqparat agenttigi. 

"Jaqynda mınıstr Qazaqstan Respýblıkasynyń Prezıdenti Qasym-Jomart Toqaevqa onyń moıyn omyrtqasyna jasalǵan operasııaǵa baılanysty densaýlyǵynyń jaı-kúıi týraly habarlady. Sondyqtan dárigerlerdiń usynysy boıynsha ol kóliktik saparlar men áýe saparlaryn barynsha azaıtýy kerek", - dep jazdy Jeńisbek óziniń Telegram paraqshasyna. 

Búgin, 18 jeltoqsanda Qazaqstan prezıdenti Qasym-Jomart Toqaevtyń jarlyǵymen Qanat Bozymbaev energetıka mınıstri qyzmetinen bosatylyp, prezıdent kómekshisi bolyp taǵaıyndaldy. Bozymbaev energetıka mınıstrligin 2016 jyldyń naýryz aıynan beri basqarǵan. Onyń aldynda ol 2013 jáne 2016 jyldar aralyǵynda Pavlodar oblysynyń ákimi bolǵan.