• USD 389.52
  • EUR 429.21
  • RUB 6.07
  • CNY 54.94
28 Qańtar, 14:39:54
Qazaqstan Ýkraınanyń saýda naryǵyna alańdaýly

18 Jeltoqsan, 2019 NEWS

Bot jáne feık akkaýnt kimge kerek?

Kórneki sýret / foto tverezo.info saıtynan alyndy

Bot jáne feık akkaýnt eki túrli bolǵanmen de, ózara tyǵyz baılanysta jumys atqaratyn jalǵan akkaýnttar. Olar shynaıy akkaýnttar sekildi ózgelerdiń jazbalaryna lúpil basyp, pikir jazyp, repost jasaıdy. Bot jáne akkaýnttardyń feık ekendigin anyqtaý úshin túrli tásilderdi paıdalanýǵa bolady. Solardyń eń mańyzdylaryn atap ótsek:

1. Áleýmettik jelidegi belsendiligin tekserý. Iаǵnı, paraqshadaǵy foto, vıdeolardyń qashan júktelgenin, sýretterdiń astynda neshe pikir, lúpil bar ekenin, alǵashqy foto men sońǵy fotonyń qashan salynǵanyn salystyrý arqyly bilýge bolady.

2. Qoldanýshynyń jeke basyna baılanysty aqparattyń, tirkelýshilerdiń sanyn baqylaý arqyly. Eger olardyń sany az bolsa, kóbinde, bot ne feık akkaýnt bolyp shyǵady.

3. Paraqshadaǵy kez kelgen fotonyń tusyna tintýirdiń sol jaq batyrmasyn basyp, «kopıravat URL kartınkı» degendi tańdańyz. Jańa terezege «kartınkı» dep izdep, sıfrly fotoapparat belgisin basyp, fotonyń siltemesin nemese ózin júkteseńiz, izdeý nátıjesinde uqsas kartınkalar tiziminiń arasynan dál sol fotonyń qaı áleýmettik jeliden alǵanyn, jıyntyqtyń ishinde bar ma ekendigin tekserip kóre alasyz . Eger bot pen akkaýnttyń feık ekenine kúmánińiz qalmasa, áleýmettik jeli admınine habarlap, olardy buǵattata alasyz.

О́tken jylǵy qoıylǵan "Ázil álemi" konsertinde Tursynbek Qabatov óziniń eshbir áleýmettik jelide tirkelmegenin, áldebireýlerdiń onyń esimin paıdalanyp, paraqsha ashyp, shyr-pyr bolýyna ne sebep dep tańdanysyn ashyq aıtqan-dy. Qazirgi sátte ınstagrammda kabatov_tursynbek_resmi dep atalatyn paraqshasy bar. Al onyń atyn qoldanyp, jumys istep otyrǵan basqa onnan astam paraqsha "esim urlaýshylardyń" qolynda. Shynynda, feık akkaýnt ashý olarǵa ne úshin kerek?

Kópshilik qarapaıym adamdar belgili tulǵalardyń esimin paıdalaný arqyly ózderiniń jazbalaryn jurtshylyqtyń kóptep oqyp, oqyrman aýdıtorııasynyń neǵurlym aýqymdy bolǵanyn armandaıdy. Endi bireýleri jarnama jasap, reıtıng jınap, mol tabysqa kenelý úshin feık akkaýnt ashady. Jalǵan qaıyrymdylyq aksııalaryn uıymdastyryp, oljany ońaı ıelenýge nıettengender de tabylady.

2018 jyly belgisiz bireý Azattyq radıosynyń tilshisi Sánııa Toıkenniń atynan telegramm jelisinde paraqsha júrgizip, jurtshylyqty mıtıngke shyǵýǵa úndegen. Artynan reporter bul derek boıynsha sotqa shaǵym bildirgen. Qorǵaýshy Ǵalym Núrpeıisov sol kezde feık akkaýnttyń ıesiniń 2 jyldan 17 jylǵa deıin bas bostandyǵynan aıyrylýy múmkin ekenin aıtty.

"Qostanaı tańy" gazetiniń habarlaýynsha, bıyl 20 jastaǵy Qapshaǵaı turǵyny Instagrammda bakyt_best akkaýntymen tirkelip, taýarlardy satamyn dep qarajat jınaýmen aınalysqan. Quryǵyna ilikken Qostanaı turǵyny onyń esepshotyna 12 800 teńge aýdaryp jibergen. Aıyptalýshy QR qylmystyq kodeksiniń 190-babyna sáıkes qylmystyq jaýapkershilikke tartyldy.

Sońǵy ýaqytta belgili akter Dmıtrıı Nagıevtyń júris-turysyn, sóıleý mánerin salyp, áleýmettik jelilerde birneshe baıqaýlar uıymdastyryp júrgender bar. Olar oqyrmandarǵa qundy syılyq pen aqshalaı júldeler berýge ýáde etken. Alaıaqtardyń sózine ılanǵan jeli qoldanýshylary baıqaýdyń shartyn oryndap, qaltasynan qaǵylǵan. Jabyq kıinip vıdeoǵa túskendikten, olardy birden taný múmkin emes.

Bundaı derekter az emes.

Botty daýys jınaý úshin ǵana qoldanbaıdy, onymen qosa, birneshe fýnksııalardy iske asyrý úshin paıdalanady. Kóptegen bottar birigip jumys jasaıdy. Bottar kompanııa saıtynyń tutynýshylarynyń saýalyna jaýap beredi, aýa-raıyn málimdeıdi, jalǵan jańalyqtarmen el ishin dúrliktiredi. Kóbinese, jarnamany taratýmen aınalysady. Keı memleketterde jalǵan aqparatty saıası jaǵdaıdy bir júıege keltirý úshin, aýdıtorııanyń nazaryn aýdartý úshin taratady. Mysaly, Donald Tramp prezıdent bolǵanda, narazylyq aksııasy qaptap ketti. Amerıkadaǵy saıası dúmpýdi basý úshin ádeıi feık jańalyqtar el ishinde jarııalaǵan edi.

Sońǵy ýaqytta mamandar aqparattyń jalǵandyǵyn tekserýdiń jańa ádisin oılap tapty. Eń aldymen, aqparattyń sensasııa týdyrý úshin jazylǵanyna nazar aýdaryńyz. Eger sensasııaǵa negizdelse, lep beligisi men suraý belgisiniń qanshalyqty jıi kezdesetinine mán berińiz. Eger saýattylyq deńgeıi tómen bolsa, feık aqparat bolýy múmkin. URL adresine mán berip, saıttaǵy "Biz týraly" qosymshasyn túgel aqtaryp shyǵyńyz.

Samal Qojamjarova

Ilmek sózder: feık bot

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir