Máýlen Áshimbaev burynǵy qyzmetine qaıta bardy

QR prezıdenti Q.Toqaevtyń jarlyǵy boıynsha Máýlen Saǵatuly Áshimbaev basqa jumysqa aýysýyna baılanysty prezıdent kómekshisi qyzmetinen bosatyldy.

 

"Máýlen Saǵathanuly Áshimbaev Qazaqstan Respýblıkasy Prezıdentiniń Ákimshiligi Basshysynyń birinshi orynbasary bolyp taǵaıyndalsyn, ol Qazaqstan Respýblıkasy Prezıdentiniń kómekshisi qyzmetinen bosatylsyn", delingen prezıdent jarlyǵynda.

Máýlen Saǵathanuly Áshimbaev 1971 jyly 28 qańtarda Almatyda dúnıege kelgen. Ekonomıst, qoǵam qaıratkeri. Ál-Farabı atyndaǵy Qazaq ulttyq ýnıversıtetiniń ekonomıka jáne sosıologııa fakýltetin bitirgen. Djons – Hopkıns ýnıversıtetininiń Halyqaralyq zertteýler mektebinde (AQSh) ǵylymı tájirıbeden ótken.

Eńbek joly 1993 jyly Baspasóz jáne buqaralyq aqparat mınıstrliginde bastalǵan. Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory, Qazaqstan Respýblıkasy Qaýipsizdik keńesi hatshysynyń orynbasary, Májilis depýtaty, Qazaqstan Respýblıkasy Parlamenti Májilisiniń V shaqyrylymynyń Halyqaralyq ister, qorǵanys jáne qaýipsizdik komıtetiniń tóraǵasy, Qazaqstan Respýblıkasy Prezıdenti Ákimshiligi Basshysynyń orynbasary, NurOtan partııasy tóraǵasynyń birinshi orynbasary qyzmetterin atqarǵan.