Tasmaǵambetov qyzmetinen bosatyldy

Qazaqstan prezıdenti Qasym-Jomart-Toqaev eldiń Reseıdegi tótenshe jáne ókiletti elshisi Imanǵalı Tasmaǵambetov qyzmetinen bosatý týraly jarlyqqa qol qoıdy. Toqaevtyń jarlyǵy búgin, 18 jeltoqsanda Aqorda saıtynda jarııalandy.

Toqaevtyń jarlyǵynda Tasmaǵambetovtyń qyzmetinen bosatylýyn zeınet jasyna tolýymen baılanystyrǵan. 

"Memleket basshysynyń Jarlyǵymen Imanǵalı Nurǵalıuly Tasmaǵambetov zeınetkerlik jasqa tolýyna baılanysty Qazaqstan Respýblıkasynyń Reseı Federasııasyndaǵy Tótenshe jáne О́kiletti Elshisi qyzmetinen bosatyldy" delingen Toqaevtyń jarlyǵynda. 

Tasmaǵambetovtyń ornyna Qazaqstannyń Reseıdegi tótenshe jáne ókiletti elshisi bolyp áli eshkim taǵaıyndalmady. 

Tasmaǵambetov osy jyldyń 9 jeltoqsanynda zeınet jasy - 63-ke tolǵan. Ol Qazaqstan Táýelsizdik alǵan jyldan beri joǵary bıliktegi laýazymdy qyzmetterdi atqardy. Ol Qazaqstandy 30 jylǵa jýyq basqarǵan Nursultan Nazarbaevtyń jarlyǵymen úsh ret premer-mınıstrdiń orynbasary bolyp taǵaıyndalǵan, bir ret Qazaqstannyń premer-mınıstri bolǵan. Sonymen qatar Tasmaǵanbetov Nur-Sultan jáne Almaty qalalaryn, Atyraý oblysyn basqarǵan. Prezıdent ákimshiliginde basshy bolyp, memlekettik hatshy qyzmetin de atqarǵan. Eki jyl qorǵanys mınıstrligin basqarǵan. 2017 jyldan beri elshilik qyzmette boldy. 

2006 jyly Tasmaǵambetov Almaty qalasynda ákim bolǵan turǵan kezde "Shańyraq" oqıǵasy oryn aldy.

Oqı otyryńyz:

♦ Saıası elıta serkelerimen qosh aıtysý tehnologııasy Tasmaǵambetovke de qoldanyla ma?