17 Jeltoqsan, 2019 NEWS

Almatyda Táýelsizdik kúni myńnan astam adam «Men qazaqpyn» ánin oryndady

Almaty.gov

Táýelsizdik kúnin merekeleý dástúrge saı «Táýelsizdik» monýmentine gúl shoqtaryn qoıý rásiminen bastaldy.

Saltanatty rásimge Almaty qalasynyń ákimi Baqytjan Saǵyntaev, qala ákiminiń orynbasarlary, aýdan ákimderi men basqarma basshylary qatysty. Sonymen qatar, Táýelsizdik monýmentiniń alańynda Qazaqstan halqy Assambleıasynyń músheleri men etnomádenı birlestikterdiń ókilderi, 1986 jylǵy oqıǵaǵa qatysýshylar, Aýǵan soǵysy ardagerleri, Chernobyl ardagerleri, qalanyń jastar uıymdarynyń ókilderi, sondaı-aq Qazaqstannyń estrada juldyzdary Roza Rymbaeva, Sáken Maıǵazıev, Aıdana Medenova keldi.
«Bul ataýly kúnniń ońaılyqpen kelmegenin ózimizge jáne óskeleń urpaqtyń sanasyna taǵy eske salamyz. 28 jyl buryn biz Tuńǵysh Prezıdent – Elbasy Nursultan Nazarbaevtyń aınalasyna toptasyp, osy armanymyzdy júzege asyra aldyq. Almaty tarıhı ózgeristerdiń ortasynda boldy. Almatylyqtar beıbitshilik pen tynyshtyqtyń mańyzdylyǵyn bir kisideı biledi. Biz qalany kórkeıte otyryp, otbasy ıgiligi úshin erteńge degen nyq senimmen ómir súrip, jumys isteı alamyz» dep jazdy qala ákimi Baqytjan Saǵyntaev óziniń Instagram paraqshasynda. Osylaısha ol qazaq elin Táýelsizdik kúnimen quttyqtady.
Gúl shoqtaryn qoıý rásiminen keıin myńnan astam jınalǵandar merekege arnalǵan jappaı fleshmobqa qatysyp, «Men qazaqpyn» ánin oryndady.
Esterińizge sala keteıik, Táýelsizdik kúnine oraılastyrylǵan «Men qazaqpyn» chellendjin pavlodarlyq oqýshylar áleýmettik jelilerde taratqan bolatyn.

Ilmek sózder: Táýelsizdik merekesi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir