Eks-prezıdent ólim jazasyna kesildi

Memleketke satqyndyq jasady dep aıyptalǵan Pákistannyń eks-prezıdenti Pervez Mýsharraf ólim jasyna kesildi. Bul týraly Samaa telearnasyna silteme jasaǵan RIA Novostı habarlady. 

Mýsharrafqa úkimdi úsh adamnan turatyn arnaıy sot alqasy shyǵaran. Olardyń ekeýi ólim jazasyna kesý úkimin qoldap daýys bergen.

Tergeýshilerdiń málimeti boıynsha, 2001 jyldan 2008 jyldar aralyǵynda Pákistan prezıdenti qyzmetin atqarǵan Mýsharraf 2007 jyly tótenshe jaǵdaı engizip, Joǵarǵy sot múshelerin tutqyndaýǵa buıryq bergen kezde memleketke opasyzdyq jasaǵan. Mýsharrafqa qarsy qylmystyq is 2013 jyly Pákistan úkimetiniń bastamasymen qozǵalǵan.

2016 jyldyń naýryz aıynda Joǵarǵy sot eks-prezıdentti elden ketýge tyıym salynǵan adamdar tiziminen alyp tastaǵannan keıin 72 jastaǵy Mýsharraf BAÁ-ge emdelýge ketken. Sodan beri ol Dýbaıda turyp jatyr. Tergeýshilerdiń nusqasy boıynsha, Mýsharraf sot sheshiminen qashyp júr.