"Altyn dombyra" aıtysynyń alǵashqy aınalymy aıaqtaldy

Oralda Qazaqstannyń Táýelsizdik kúni merekesine oraı ótip jatqan "Altyn dombyra" aıtysynyń alǵashqy aınalymy aıaqtaldy. Bılik partııasy "Nur Otannyń" demeýshiligimen uıymdastyrylǵan jyldyń qorytyndy aıtysynyń alǵashqy aınalymynda 20 aqyn 10 jupta aıtysty.

Aıtysqa 9 adam qazylyq etip jatyr. Qazylar  alqasynyń quramynda N. Aıtuly(tóraǵa), Á.Berkenova, D.Mushtanova, Q.Asanov, A.Áltaı, M.Tazabek, J.Áshimjan, B.Halıolla, R.Onaeva bar. Bıylǵy "Altyn dombyra" aıtysynda jeńimpazdy anyqtaý olımpııadalyq júıe boıynsha ótip jatyr. Iаǵnı, bir juptan bir aqyn ǵana kelesi aınalymǵa shyǵady. 

Alǵashqy jupta "Altyn dombyra" aıtysynyń ótken jylǵy jeńimpazy Jansaıa Mýsına men Altyn dombyranyń eki dúrkin ıegeri Jandarbek Bulǵaqov aıtysyp, qazylar 87 upaı bergen Mýsına kelesi aınalymǵa ótti. Al Bulǵaqovqa qazylar 85 upaı berdi. 

2-jup: S. Qusanbaev (ShQO) 82 upaı — A. Qalıev (Arqalyq) 88 upaı;

3-jup: B. Asqarov (Nur-Sultan) 82 upaı — Á. Erejeqyzy (Nur-Sultan) 90 upaı;

4-jup: Sh. Sezimhan (Almaty) 85 upaı —  A. Shuǵataev (Pavlodar) 88 upaı;

5-jup: Q. Myrzahan (Taraz) 87 upaı — A. Kerimbek (Aqtóbe) 85 upaı; 

6-jup: О́. Kópbosynov (Qaraǵandy)  90 upaı — J. Maratbekova (ShQO) 82 upaı; 

7-jup: H. Berdihan (Almaty) 87 upaı — B. Baıtýov (Túrkistan) 86 upaı;

8-jup: R. Qaıyrtaı (Almaty) 90 upaı — T. Myqı (Oral) 84 upaı;

9-jup: B. Shırmedınuly (Oral) 86 upaı- D. Qamı (Qaraǵandy) 86 upaı, (kim ótkenin qazylar sheshedi);

10-jup: M. Nııazov (Qyzylorda)  90 upaı — Sh. Izbasarov (Atyraý) 82 upaı. 

Oraldaǵy aıtystyń kelesi aınalymy erteń, 17 jeltoqsanda jalǵasady. Ázirge uıymdastyrýshylar kelesi aınalymda qaı aqyn qaı aqynmen aıtysatynyn aıtpady.

"Altyn dombyra" aıtysy bıyl segizinshi ret ótip jatyr. Buǵan deıingi jyldyń qorytyndy aıtystarynda Muhtar Nızov pen Jandarbek Bulǵaqov eki retten bas júlde alsa, Aspanbek Shuǵataev, Balǵynbek Imashev, Jansaıa Mýsına syndy aqyndyr bir retten jeńimpaz bolǵan.