"Bul kúni Nazarbaev ta, Toqaev ta bozdaqtardyń rýhyna taǵzym etýi kerek"

16 jeltoqsan Qazaqstannnyń Táýelsizdik kúni merekesine oraı Almatydaǵy Respýblıka alańyna kelgen azamattar 1986 jylǵy Jeltoqsan oqıǵasy men 2011 jylǵy Jańaózen oqıǵasy qurbandaryn eske alyp, rýhtaryna quran baǵyshtady.

Eske alý sharasyna jınalǵan belsendi azamattar Jeltoqsan men Jańaózen oqıǵalaryna áli resmı túrde shynaıy baǵa berilmegenin, kinálilerdiń jazalanbaǵanyn aıtty. 

"Qazaqstannyń demokratııalyq partııasyn" qurý boıynsha bastamashyl top jetekshisi, saıasatker Janbolat Mamaı qurbandardyń rýhyna quran baǵyshtalǵan soń Táýelsizdik merekesi týraly aıtty. Onyń aıtýynsha, Qazaqstannyń Táýelsizdik kúni 16 jeltoqsan emes, 25 qazan qazan bolýy kerek. 

- 16-17 jeltoqsan mereke emes, ulttyq aza tutý kúni bolý kerek. Bul kúni biz 1986 jylǵy Jeltoqsan oqıǵasynyń jáne 2011 jylǵy Jańaózen oqıǵalarynyń qurbandaryn eske alýymyz kerek. Bul - eshqandaı da Táýelsizdik kúni emes. Qazaqstannyń Táýelsizdik kúni - 25 qazan. Al 16-17 jeltoqsan kúni tek belsendi azamattar ǵana emes, Nazarbaev ta, Toqaev ta osy alańǵa kelip, bozdaqtardyń rýhyna taǵzym etýi kerek, - dedi Mamaı.