• USD 468.56

  • EUR 497.56

  • RUB 7.3

  • CNY 67.18

29 Naýryz, 16:56:58
Almaty
+35°

Almaty ákimi Baqytjan Saǵyntaev Almaty ataýyn ózgertý týraly bastamadan beıhabar ekenin málimdedi. Bul týraly ol búgin, 15 jeltoqsanda óziniń Instagram-daǵy paraqshasynda jazdy. 

"Búgin Almaty qalasynyń ataýyn ózgertý týraly aqparat paıda boldy. Men bul máseleni qarastyrmaǵanymdy aıtqym keledi jáne ákimdiktiń kún tártibinde bul másele joq. Qazirgi ýaqytta biz qala úshin prezıdent Qasym-Jomart Toqaevtyń alǵa qoıǵan keshendi mindetterin sheshý jolynda jumys istep jatyrmyz. Jaqynda qabyldanǵan "Almaty - 2050" strategııasyn, qysqa jáne orta merzimdi josparlardy iske asyrý boıynsha jumystardy júrgizýdemiz" - dep jazdy Saǵyntaev.

Buǵan deıin birqatar BAQ-ta aqyn Oljas Súleımenovtiń prezıdentpen kezdeskeni, kezdesýde "Almaty ataýyn "Alma-Ata" dep ózgertý bastamasyn prezıdent qoldady" degen syńaıda aqparat taraǵan bolatyn.

Al 15 jeltoqsan kúni tústen keıin prezıdent keńesshisi Erlan Qarın óziniń Telegram kanalynda bul bastama jaıly prezıdent Qasym-Jomart Toqaevtyń oıyn jetkizgen. Sol jazbada Qarın Toqaevtyń "Mundaı máseleler kabınette ǵana emes, qala turǵyndarynyń basym kópshiliginiń ustanymy negizinde, azamattardyń oıyn bilip baryp sheshilýi kerek" dep esepteıtinin jazǵan.



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir