• USD 389.52
  • EUR 429.21
  • RUB 6.07
  • CNY 54.94
30 Qańtar, 04:04:10
Qazaqstan Ýkraınanyń saýda naryǵyna alańdaýly

15 Jeltoqsan, 2019 NEWS

"Altyn dombyra" aıtysyna qatysatyn aqyndardardyń tizimi belgili boldy

sputnik.kz

Aıtys júrgizýshisi ári uıymdastyrýshysy Júrsin Erman basqaratyn "Aıtys aqyndary men jyrshy- ermeshilerdiń halyqaralyq odaǵy" qoǵamdyq birlestigi 16-17 jeltoqsan kúnderi Oralda ótetin jyldyń qorytyndy aıtysyna ("Altyn dombyra" aıtysy) qatysatyn aqyndardyń tizimin jarııalady.

Aıtyskerler odaǵynyń habarlaýynsha, "Altyn dombyra" aıtysyna bıyl 20 aqyn qatysqaly otyr. Olar jyl basynan beri ótken 13 aıtysta jınaǵan upaılary arqyly iriktelgen. 

Sonymen Oraldaǵy qorytyndy aıtysqa Talǵat Myqı, Dıdar Qamı, Rústem Qaıyrtaıuly, Muhtar Nııazov, Aıbek Qalıev, Qanat Myrzahan, Shalqarbaı Izbasarov, Jansaıa Mýsına, Serik Qusanbaev, Baýyrjan Shırmedınuly,  Aspanbek Shuǵataev, Jandarbek Bulǵaqov, Haziret Berdihan, Shuǵaıyp Sezimhan, B.Asqarov, Ásem Erejeqyzy, О́mirjan Kópbosynov, Birjan Baıtýov, Arýna Kerimbek, Juldyzaı Maratbekova syndy aqyndar qatysady. 

"Altyn dombyra" aıtysyna qatysýǵa upaılary jetse de, Erkebulan Qaınazar, Maqsat Aqanov, Bekarys Shoıbekov,  Tólegen Jamanov, Meıirbek Sultanhan syndy aqyndar ártúrli sebeptermen aıtysqa qatyspaıtynyn málimdegen. Al Qytaıdaǵy qazaq aqyny E.Amanqoja qujataty durys bolmaǵandyqtan "Altyn dombyra" aıtysyna qatysa almaıdy. 

Aıtyskerler odaǵy áleýmettik jeliler arqyly "Altyn dombyra aıtysyna nege qatystyrylmaıdy?" dep kópshiliktiń suranysyn týdyrǵan Rınat Zaıtov pen Bolatbek Orazbaevqa qatysty da málimdeme jasady. Odaqtyń habarlaýynsha, Rınat Zaıtov 2019 jyly tek bir ǵana aıtysqa qatysqan, al Bolatbek Orazbaev múldem qatyspaǵan. Atalǵan eki aqyn sondyqtan da qorytyndy aıtysqa qatystyrylmaıdy. 

"Altyn dombyra" aıtysy bıyl segizinshi ret ótkeli otyr. Buǵan deıingi jyldyń qorytyndy aıtystarynda Muhtar Nızov pen Jandarbek Bulǵaqov eki retten bas júlde alsa, Aspanbek Shuǵataev, Balǵynbek Imashev, Jansaıa Mýsına syndy aqyndyr bir retten jyldyń qorytyndy aıtysynda jeńimpaz atanǵan. 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir