• USD 389.52
  • EUR 429.21
  • RUB 6.07
  • CNY 54.94
29 Qańtar, 22:08:48
Qazaqstan Ýkraınanyń saýda naryǵyna alańdaýly

13 Jeltoqsan, 2019 Saıasat

Toqaev taratqan memlekettik stıpendııanyń «shıkiligi» aıtyla bastady

Aýdıttik tekserý kezinde zańsyz jalaqy, ǵylymı dáreje úshin eki jerden ústeme aqsha alǵan adam memlekettik stıpendııa ıegeri atanǵan.  

psichiatria.org  

Bul týraly Rıza Almýhanova esimdi jeli qoldanýshysy málim etti. Ol jýrnalıst Ermurat Bapıdyń «feısbýk» jelisinde jarııalanǵan «ÚSh LAÝREAT nege tizimde joq?» degen maqalasyna baılanysty pikir bildirgen bolatyn. Qaz-qalpynda berip otyrmyz.

 «Aýdıttik tekserý kezinde zańsyz jalaqy, ǵylymı dáreje úshin eki jerden ústeme aqsha alǵan M.J. osy Prezıdenttik stıpendııa alatyn tizimde júr. Álginde Aqordanyń fb-da paraǵyna kommentarıı retinde jazba qaldyryp edim. Prezıdentke tizim daıyndap, qol qoıýǵa daıyndaıtyn bip adam bar, sonyń "jumysy" sııaqty» , – deıdi jeli qoldanýshy R. Almýhanova.

«Bir adamdy» aıtpaqshy, narazy jurttyń pikiri bir adamnyń jyrymen shektelmeýde. Biri: «nege joq ekeni belgili, bıliktiń sózin sóılemeı, halyqtyń sózin sóılep júrgen azamattar. Uıymdasyp narazylyǵymyzdy bildirsek bolar edi. Eshkim úndemegen soń ary qaraı da bilgenderin jasaı beredi» dese, kelesi biri: «mundaı máseleler ymmen sheshiledi» dep keıigen.

Árıne, dál osyndaı erkin pikir alańynda: «ómirlik ustanymyna súıenip ózderi bas tartqan bolar?!» nemese «bul aǵalarymyz kezinde marapattaldy. Endi baska da laıykty azamattarǵa bergen shyǵar» deýmen shektelgen oqyrmandar da bar bul qatarda.

Osy rette, jelide qyzý talqyǵa túsken maqala avtory Ermurat Bapıdyń  jazbasynan da úzindi keltire ketkendi jón kórdik.

«Bul tizimge ilingen irilerge aıtar alabóten sóz joq – shetinen Qazaqstan Memlekettik syılyǵynyń laýreaty, Qazaqstannyń eńbek sińirgen qaıratkeri, memlekettik ordender ıegerleri. Elge eseli eńbegi sińgen tanymal tulǵalar, dańqty daryndar.
Biraq osy 29 aqyn-jazýshynyń arasynda Temirhan Medetbek, Dýlat Isabekov jáne Beksultan Nurjekeuly joq. Bul sanatta byltyr da bolmaǵan bul úsheýi de Memlekettik syılyq pen birneshe memlekettik ordenniń ıegeri edi. Basqadaı alǵan ataq-dárejeleri – birneshe tóbe. Bular elge 29-dan kem eńbek etti dep aıtýǵa aýyz barmaıdy. Endeshe stıpendııa buıyrǵan bul tizimde Temirhan aqyn, jazýshylar – Dýlat pen Beksultan nege joq? Byltyrǵysy – byltyrǵy deıik: bular Nazarbaevty jer-kókke syıǵyzbaı nasıhattaý naýqanynda «kóshten qalyp», ony paıǵambarǵa teńeý, Qudaıdyń qasyna «aparyp qoıý» jarysynda «jańylǵan» shyǵar. Al bıylǵy «alapestik aýrýdy» qalaı túsinýge bolady: stıpendııa taǵaıyndaý jónindegi ókimge prezıdent Toqaev qol qoıǵan joq pa edi? Álde resmı ataýy «Qazaqstannyń tuńǵysh prezıdenti – Elbasynyń mádenıet salasyndaǵy memlekettik stıpendııasy» dep atalatyn shúlen taratýǵa konstıtýsııalyq prezıdent qol qoıyp, rásimdeýshi ǵana bolǵany ma?», – deıdi jýrnalshy.

Aıta keteıik, kúni keshe Qazaqstan prezıdenti Qasym-Jomart Toqaev QR tuńǵysh prezıdenti N.Nazarbaevtyń mádenıet salasyndaǵy memlekettik stıpendııasyn taǵaıyndaǵan bolatyn. Stıpendııa jalpy jıyny 75 adamǵa taǵaıyndalǵan eken. Onyń 29-y – aqyn-jazýshylar.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir