• USD 389.52
  • EUR 429.21
  • RUB 6.07
  • CNY 54.94
22 Qańtar, 12:47:34
Qazaqstan Ýkraınanyń saýda naryǵyna alańdaýly

13 Jeltoqsan, 2019 Barlyq aımaqtar

Qasym-Jomart Toqaev «Saryózendik Sýpermendi» «Shapaǵat» medalimen nege marapattady?

Táýelsizdik kúni qarsańynda «Nur Otan» partııasynyń Ortalyq apparatynda elimizdiń áleýmettik-ekonomıkalyq jáne mádenı damýyna qosqan eleýli úlesi, jemisti qoǵamdyq qyzmeti úshin partııanyń belsendi músheleri memlekettik jáne partııalyq nagradalarmen marapattaldy.

Baýyrjan Baıbek, Mınıagzam Avlıarımov

«Táýelsizdiktiń alǵashqy jyldarynda aǵa býyn ókilderin egemendigimizdi saqtap, eldigimizdi nyǵaıtyp, eńsemizdi tikteı alamyz ba degen oılar mazalaǵany ras.  Sol kezde kásiporyndar jabylyp, jappaı jumyssyzdyq oryn aldy. Halyqtyń turmys-tirshiligi aýyr boldy. Tuńǵysh Prezıdent Nursultan Nazarbaevtyń tabandylyǵy men óz halqyna degen qaltqysyz qyzmetiniń arqasynda az ýaqyt ishinde qıyndyqtardy eńsere bildik. Qajetti naryqtyq reformalar júrgizilip, 300 mıllıard dollardan astam tikeleı sheteldik ınvestısııa tartyldy. Barlyq halyqaralyq qaýymdastyq moıyndaǵan memlekettik shekaramyz bekitildi. Myńdaǵan shaqyrym jol men mektepter, aýrýhanalar salyndy. 90-shy jyldary qazaqstandyqtardyń úshten birinen astamy kedeılik sheginde ómir súrse, búginde bul kórsetkish 4,6% -ǵa deıin tómendedi. Biz búgin eń qasıetti merekemiz – Táýelsizdik kúni qarsańynda memlekettiligimizdiń damýyna, qoǵamdyq tatýlyq pen turaqtylyqty, aýyzbirshilikti saqtaı otyryp, Elbasynyń memlekettik baǵyty tóńireginde toptasýǵa atsalysqandardy quttyqtaýǵa jınaldyq», - dep atap ótti partııa tóraǵasynyń birinshi orynbasary Baýyrjan Baıbek.

Baýyrjan Baıbek marapattalǵandardyń arasynda Qaraǵandy ​​oblysyndaǵy shalǵaı jatqan Tikenekti aýylynyń 82 jastaǵy turǵyny Mınıagzam Avlıarımovty erekshe atap ótti. 1111

Jarty ǵasyrdaı DT-75 traktoryn tizgindegen qarııa, aýyl turǵyndaryna kún saıyn kómek qolyn sozýǵa ázir. Jazda barlyq muqtaj aýyldastaryna qysqy mal azyǵyn jınaýǵa, shóp shabýǵa járdemdesedi. О́zendegi sýdyń deńgeıin baqylap, bógetterdiń buzylmaýyn qadaǵalap júredi. Al qysta aýyl halqy 300 shaqyrymnan asatyn qashyqtyqtaǵy aýdan ortalyǵyna qınalmaı jetýi úshin joldardy qardan tazartady. Osynyń barlyǵyn aqsaqal tegin jasaıdy. Eshkimnen, eshqandaı aqy alǵan emes. Osyndaı isteri úshin aýyl balalary ony «Saryózendik Sýpermen» dep atap ketti.

Qarııa týraly jańalyqtardan estip, bilgen el Prezıdenti Qasym-Jomart Toqaev «Saryózendik sýpermendi» «Shapaǵat» memlekettik medalimen marapattaýdy arnaıy tapsyrdy.

«Kúsh-jigerim bar kezde jumys isteı beremin. Otanyń men halyqtyń ıgiligi úshin talmaı eńbek etseń, kúsh-qýatyń da sarqylmaıdy. Osydan 60 jyl buryn Saryózen sovhozyna traktorshy bolyp jumysqa ornalastym, qazir bul aýyl Tikenekti dep atalady. Osy aýylda otbasyn quryp, bes bala tárbıelep ósirdim. О́zimniń DT-75 traktorymdy Dos-Temir dep ataımyn. Bul temir dos degendi bildiredi. О́mirimdi traktorsyz múldem elestete de almaımyn. Onyń motorynyń daýysy, maǵan júrek qaǵysy sekildi estiledi. Eshqashan ataqqa umtylyp, eshkimnen marapat surap kórmeppin. Bar oıym, adal eńbek jolymmen jastarǵa úlgi bola alsam eken deımin», - deıdi Mınıagzam ata. 1111

Saltanatty rásim barysynda el Prezıdentiniń atynan «Qurmet» ordenimen «Bolashaq» korporatıvtik qorynyń tóraıymy Dınara Shaıjúnisova marapattaldy. «Kedergisiz keleshek» partııalyq jobasynyń aıasynda Qor elimizdiń barlyq 17 aımaǵynda ınklıýzıvti bilim berýdiń 43 kabınetin ashty. Inklıýzııa salasyna beıimdelgen 420 arnaıy jumys orny ashyldy. Erekshe qajettiligi bar balalardyń quqyqtaryn qorǵaý maqsatynda, tek «Bolashaq» qorynyń músheleri zańnamalyq aktilerge ınklıýzıvti bilim berýdi damytý máseleleri boıynsha 60-tan astam sapaly usynys pen túzetý engizdi.

«Qassıetti jol» qoǵamdyq qorynyń negizin qalaýshy Dınara Zakıeva da «Qurmet» ordenine laıyq dep tanyldy. Ol basqaratyn uıym sal aýrýyna shaldyqqan balalarǵa qoldaý kórsetýge qatysty birqatar sátti jobalardy júzege asyrdy. «Baqytty otbasy» jáne «Kedergisiz keleshek» partııalyq jobalary aıasynda kópbalaly otbasylar men erekshe qajettiligi bar jandarǵa birlesken qoldaý kórsetilip keledi.

«Eren eńbegi úshin» memlekettik medali «DOS» Táýelsiz ómir ortalyǵy» múgedekter qaýymdastyǵy dırektorynyń orynbasary Ardaq Otorbaevqa tabystaldy. Birneshe aı buryn ol arbasyndaǵy bı halyqaralyq týrnırinde kúmis medal jeńip alǵan edi.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir