Ishki ister mınıstri Erlan Turǵymbaev Táýelsizdik kúni qarsańynda belsendilerdiń ustalýyna baılanysty túsinikteme berdi dep jazady Qamshy.kz aqparat agenttigi Azattyqtyń deregin negizge alyp. 

Buǵan deıin Almaty men Nur-Sultanda "beıbit jıyn ótkizý tártibin buzdy" dep aıyptalǵan onnan astam belsendi qamalǵan edi (Keıbir derek boıynsha olardyń sany 20-dan asady). Keıbir quqyq qorǵaýshylar men belsendiler muny Táýelsizdik kúni ótýi múmkin sherýdi "boldyrmaý amaly" dep esepteıdi.

- Birinshiden, mıtıngiler áli bastalǵan joq... Biraq [buǵan deıin bolǵan mıtıngiler boıynsha] ákimshilik materıaldar bar. Ondaı bizde kúnde-kúnde bolyp jatyr ǵoı. [Ustaýlar jaıly] Kim aıtty sizge? - dedi mınıstr Erlan Turǵymbaev.

Buǵan deıin bir top belsendi Nur-Sultan qalalyq polısııa departamentine baryp, 16 jeltoqsan qarsańynda ózderin qýdalamaýdy, tergemeýdi talap etken. Al polısııa qylmystyq is boıynsha bólimshege shaqyrylyp júrgen belsendilerdi tergeýshilerdiń "qajet kezinde shaqyrtatynyn" aıtyp, zań aıasynda jumystaryn jalǵastyra beretinin aıtqan.

Halyqaralyq quqyq qorǵaý uıymdary Qazaqstan bıligin qoǵamdyq-saıası máselelerdi kóterip júrgen azamattyq belsendilerdi qýdalady dep jıi synaıdy.

Qazaqstan qoǵamy úshin memleket táýelsizdigin jarııalaǵan mereke kúni retinde atap ótiletin jeltoqsannyń 16-sy Qazaqstan tarıhynda bolǵan taǵy eki oqıǵamen mańyzdy. 1986 jyly jeltoqsanda Máskeýdiń sheshimine narazylyq tanytyp, Almatyda beıbit sherýge shyqqan stýdent jáne jumysshy qazaq jastaryn bılik kúshpen taratyp, keıin júzdegen adamdy qýǵynǵa salǵan. 2011 jyly Mańǵystaý oblysynyń Jańaózen qalasynda birneshe aıǵa sozylǵan munaıshylar ereýiline polısııa oq atqan. Resmı derek boıynsha, Jańaózen men Shetpedegi oqıǵalarda 17 adam qaza tapqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir