13 Jeltoqsan, 2019 Memlekettik baǵdarlamalar

Endi barlyq qazaqstandyqtar baspanaly bolýy múmkin

Bılik eki paıyzdyq ıpoteka baǵdarlamasynyń aıasyn keńeıtpek

Elorda Aqparat

Prezıdent Qasym-Jomart Toqaev baspanaǵa tolyqqandy qol jetkizý úshin qosymsha sharalar qabyldap, jylyna 2 paıyzben ıpotekalyq nesıeleý baǵdarlamasynyń qatysýshylar tizimin ulǵaıtýǵa ýáde berdi. Bul týraly «Qamshy.kz» aqparat agentigi tengrinews.kz saıtyna silteme jasap habarlaıdy.

– Árıne, bul jetkiliksiz. Qazir toqmeıilsıtin ýaqyty emes. Baspanaǵa qol jetimdilik máselesin túbegeıli ózgertý kerek. Bul másele bizdiń baqylaýymyzda bolady. Baspanamen qamtamasyz etý – memlekettiń áleýmettik saıasatynyń basty mindeti, sondyqtan jaqyn arada qosymsha sharalar qabyldanady. Úkimet «Baqytty otbasy» baǵdarlamasynyń tájirıbesin kezektegi barlyq adamǵa taratý máselesin qarastyryp jatyr, – dedi Memleket basshysy.

Prezıdent úkimetke 2020 jyly baǵdarlamany ulǵaıtýdy tapsyrǵanyn da jetkizdi. Iаǵnı, aldaǵy ýaqytta da halyqty baspanamen qamtamasyz etý máselesi basty maqsat bolmaq.

Aıta keteıik, 2019 jyly «Baqytty otbasy» baǵdarlamasy boıynsha  az qamtylǵan 4 myń otbasy qonystoı toılaǵan. Bul baǵdarlama boıynsha qaryz jylyna 2 paıyz tólemmen beriledi. Alǵashqy jarna – 10 paıyz bolsa, qaryz merzimi – 20 jylǵa deıingi aralyqty qamtıdy. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir