• USD 389.52
  • EUR 429.21
  • RUB 6.07
  • CNY 54.94
02 Sáýir, 16:11:50
Shyńjańdyq dúngen: Dereý qazaqtardan keshirim surańdar! (aýdıo)

12 Jeltoqsan, 2019 Barlyq aımaqtar

Toqaev: Bul mereke – búkil halqymyzǵa ortaq táýbeniń toıy

Táýelsizdikten asqan qundylyq joq

akorda.kz

–«Barshańyzdy elimizdiń eń basty merekesi – qasıetti Táýelsizdik kúnimen shyn júrekten quttyqtaımyn! Mereıli memleket bolǵanymyzǵa 28 jyl toldy. Bul – tarıhı belesterimizdiń bastaýy, uly meıram!». Bul týraly Qazaqstan prezıdenti Qasym-Jomart Toqaev Memleket basshysy Q.K. Toqaev memlekettik nagradalardy jáne ál-Farabı atyndaǵy ǵylym men tehnıka salasyndaǵy 2019 jylǵy memlekettik syılyqty tapsyrý saltanatynda málim etti.

–«Búkil elimiz úshin budan asqan aıtýly kún, mańyzdy mereke joq!
Táýelsizdik – ultymyzdyń baǵa jetpes baılyǵy.
Bizdiń býyn Elbasy Nursultan Ábishuly Nazarbaevtyń sarabdal saıasatynyń arqasynda halqymyzdyń asqaq armanyn aqıqatqa aınaldyrdy.
Baıraqty babalarymyz bizge ulan-baıtaq jerdi mura etip qaldyrdy.
Olardyń amanatyna adal bolý – barshamyzdyń kıeli paryzymyz.
Azattyq úshin alysyp, el úshin jan pıda etken batyrlardyń erligi eshqashan umytylmaıdy.
Elimizdiń altyn dáýiri, derbes damýy egemendik alǵan kúnnen bastaldy.
Kóptegen jetistikterge qol jetkizdik.
Álem boıynsha toǵyzynshy oryndaǵy jerimizdiń shekarasyn tolyq shegendedik. Búkil álem Táýelsiz Qazaqstandy senimdi seriktes retinde tanydy.
Alataýdyń baýraıynan elordamyzdy Arqa tósine kóshirip, Esildiń jaǵasyna el qondyrdyq.
Bas qalamyz asa mańyzdy halyqaralyq jıyndardyń ortalyǵyna aınaldy.
Memlekettik jáne azamattyq ınstıtýttarǵa negizdelgen basqarý júıesin jetildirdik.

Halyqtyń turmys sapasyn jaqsartý basty mindetimiz boldy.
Qıyndyqqa toly alǵashqy jyldarda ekonomıkada túbegeıli reformalardy qolǵa aldyq.
Sonyń arqasynda 28 jyl ishinde ishki jalpy ónim absolıýtti ólshemde 16 esege ósip, 180 mıllıard dollar boldy.
Osy kórsetkish boıynsha Qazaqstan Ortalyq Azııada kósh bastap keledi.
Elimiz halyqaralyq ekonomıkada óziniń laıyqty ornyn aldy.
Bizge shet elden 330 mıllıard dollar ınvestısııa tartyldy.
Osynyń bári, eń aldymen, halqymyzdyń ál-aýqatyn arttyrýǵa baǵyttalǵan.
Bul, elimizdiń abyroıyn jáne kemeldigin aıqyn kórsetedi.
Tarıhta tuńǵysh ret halqymyz óz taǵdyryna ıe boldy.
Búginde azamattarymyz óziniń jáne memleketimizdiń bolashaǵyna nyq senimmen qaraıdy.
Elimiz san qıly tarıh zulmattaryn ótkerip, eńsesin tiktedi. Álem qoǵamdastyǵyna nyq qadam basty.
Halyq sany 2 mıllıonǵa kóbeıip, Táýelsizdik aldyndaǵy demografııalyq daǵdarysty eńserdik. Qazir biz 18,5 mıllıonnan astyq!
Memleketimizdiń damý baǵdaryn ózimiz aıqyndaý múmkindigin aldyq.
Búginde elimizdiń jańǵyrý úlgisin «Qazaqstan joly» dep ataıdy.
Osyndaı aýqymdy ózgeristerge Tuńǵysh Prezıdentimiz Nursultan Ábishuly Nazarbaev bastamashy jáne kóshbasshy boldy.
Jahan jurtshylyǵy Elbasymyzdy álemdik deńgeıdegi tarıh tulǵa retinde moıyndady.
Barlyq salada tolaıym tabysqa keneldik dep kúmánsiz aıtýǵa bolady. Muny búgingi býyn jáne keler urpaq baǵalaýy kerek.
«Beınet kórmeı, dáýlet joq» dep Hakim Abaı aıtqandaı, biz buǵan ońaılyqpen jetken joqpyz.
Sondyqtan, bul mereke – búkil halqymyzǵa ortaq táýbeniń toıy, mártebeniń merekesi!
Táýelsizdikten asqan qundylyq joq. Ony qadirleý – barshamyzdyń qasıetti boryshymyz.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir