• USD 389.52
  • EUR 429.21
  • RUB 6.07
  • CNY 54.94
28 Qańtar, 14:46:20
Qazaqstan Ýkraınanyń saýda naryǵyna alańdaýly

12 Jeltoqsan, 2019 NEWS

Nazarbaev taǵy da marapat aldy

Qamshy.kz

Qazaqstannyń eks-prezıdenti Nursultan Nazarbaevqa "Túrki dúnıesiniń jandaný syılyǵy" berildi. Bul týraly Qazaqparat habarlady. 

Qazaqparttyń jazýynsha, bul syılyqty Túrkııanyń azattyq alýynyń 100 jyldyǵyna (1919 jylǵy 19 mamyrda red.) oraı Túrki dúnıesi jazýshylar jáne ónerpazdar qory taǵaıyndaǵan. Bul marapat alǵash ret berilip otyr.

Syılyqty Túrkııa Parlamentiniń tóraǵasy Mustafa Shentop Qazaqstan Respýblıkasy Táýelsizdiginiń 28 jyldyǵyna arnalǵan qabyldaý keshinde Qazaqstannyń Túrkııadaǵy Tótenshe jáne ókiletti elshisi Abzal Saparbekulyna tabystaǵan.

Syılyqty tabystaý barsynda Mustafa Shentop Túrkııa men Qazaqstan dostyǵy jarasqan, baýyrlas elder ekenin aıtyp, Qazaqstan halqyn Táýelsizdiktiń 28 jyldyǵymen quttyqtaǵan. 

– Dos jáne baýyrlas Qazaqstan halqyn el Táýelsizdigine 28 jyl tolýymen quttyqtaımyn. Osyndaı qýanyshty bólisýdi úlken baqyt dep aıtar edim. Túrkııa Qazaqstannyń Táýelsizdigin tanyǵan alǵashqy memleket bolǵanyn maqtan tutamyz. Qazaqstannyń qýanyshy – bizdiń qýanyshymyz. Qazaqstannyń taǵdyry – bizdiń taǵdyrymyz. Biz Qazaqstannyń damýǵa bastaǵan joldaǵy úlken jetistikterin árqashan nazarda ustaımyz jáne árdaıym qýanamyz. Túrkııa men Qazaqstan qarym-qatynasy eki memleket baılanysynan bólek, bir atanyń urpaqtarynyń dostyǵy da bolyp sanalady. Iаǵnı, bizdi baılanystyryp turǵan tek memleketaralyq qatynas emes, – dedi Mustafa Shentop.

Qazaqstandy úzdiksiz 30 jylǵa jýyq bılegen Nursultan Nazarbaev bıyl naýryzda prezıdenttik ókiletin merziminen buryn toqtatqan, biraq ol áli de eldegi bıliktiń bir tarmaǵyn ustap otyr. Ol  – bıliktegi "Nur Otan" partııasyn basqarady jáne Qazaqstan Qaýipsizdik keńesiniń máńgilik tóraǵasy. 



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir