Ánuransyz jarys. Reseı boksshylary olımpıadaǵa barýdan bas tartty

«Eger básekede  jeńimpaz atanǵan jaǵdaıda, Reseıdiń ulttyq týy jelbirep, Ánurany oryndalmaıtyn bolsa, onda boksshylar  jarysqa qatysýdan bas tartady». Bul týraly Reseı boks federasııasynyń bas hatshysy  Ýmar Kremlev málim etti.

Eskerteı keteıik, dúısenbi kúni Búkilálemdik dopıngke qarsy agenttiginiń atqarýshy komıteti (WADA) Reseı atletterin iri halyqaralyq jarysqa qatystyrýdan bas tartqany belgili. Atqarýshy komıtettiń uıǵarymyna oraı olmıpıadalyq, paraolımpıadalyq jáne álem chempıonattaryna tek qana dopıngten ada Reseı sportshylary bara alady. Eger olar qatysqan jaǵdaıda Reseı týy kóterilip, jeńimpazdyń qurmetine orystyń ánurany oınalmaıdy. Sonymen qatar, aldaǵy tórt jylda Reseı jerinde eshqandaı  iri halyqaralyq jarystar ótkizilmeıdi.

–Osyǵan baılanysty qazir bizdiń sport salasyna qatysty atqarýshy bılik qarsy talap aryzdy túsirýdi josparlap otyr. Áli de bolsa, biz máseleniń durys sheshilýin qoldaımyz jáne ol úshin kúresemiz.. Biraq ulttyq týsyz jáne Ánuransyz jarysqa qatysa almaımyz. Onsyz básekege qatysýdyń esh máni joq,–dep málimdedi Reseı boks federasııasynyń bas hatshysy  Ýmar Kremlev.

Eskerte ketetin bir jaıt, Reseı boks federasııasy 2020 jyly Chelıabınskide Eýropa chempıonatyn jáne Álem kýbogyn ótkizý jóninde ótinish joldaǵany belgili. Biraq bul ótinish qabyldana ma, joq pa, ol jaǵy áli beımálim.