• USD 468.56

  • EUR 497.56

  • RUB 7.3

  • CNY 67.18

29 Naýryz, 12:23:04
Almaty
+35°

11 Jeltoqsan, 2019 NEWS

Asqar Mamın AQSh-tan ne alyp qaıtty?

Úkimet basshysynyń bul sapary tabysty boldy dep aıtýǵa negiz bar.

primeminister.kz

Qazaqstannyń Premer-mınıstri Asqar Mamın AQSh-qa jumys sapary aıasynda San-Fransısko qalasyna baryp, onda sıfrlyq damý, venchýrlyq qarjylandyrý jáne energetıka salasyndaǵy jetekshi álemdik kompanııalardyń basshylyǵymen kezdesýler ótkizdi. 

Úkimet basshysy Dúnıejúzilik ekonomıkalyq forýmnyń (DEF) «Tórtinshi ónerkásiptik revolıýsııa ortalyǵynyń» basshylyǵymen kezdesip,  DEF basqarýshy dırektory R. Samanspen ınnovasııalyq tehnologııalardy retteý salasyndaǵy yntymaqtastyqtyń perspektıvaly baǵyttaryn talqylady. 

Kezdesý qorytyndysy boıynsha «Tórtinshi ónerkásiptik revolıýsııa ortalyǵy» men «Astana» Halyqaralyq qarjy ortalyǵynyń (AHQO) arasynda Zattar ınternetin (IoT) damytýda strategııalyq áriptestik týraly qujatqa qol qoıyldy, bul 2020 jyly Qazaqstanda tórtinshi ónerkásiptik revolıýsııa boıynsha DEF Úlestes ortalyǵyn qurýǵa jasalǵan alǵashqy qadam boldy. Mundaı mekemeler jańa tehnologııalar men ınnovasııalyq jobalardyń damýyn júıeli memlekettik qoldaýdy qamtamasyz etýge yqpalyn tıgize otyryp, Izraıl, Úndistan,  Qytaı, BAÁ, Kolýmbııa, OAR, AQSh pen Japonııada jumys isteıdi.

mammın

Premer-mınıstr A. Mamın «500 Startups» venchýrlyq qorynyń basshysy K. Saımen kelissóz ótkizdi, onyń qorytyndysy boıynsha «QazTechVentures» AQ qazaqstandyq ulttyq damý ınstıtýtyn «500 Startups» V Jahandyq qoryna qosý týraly kelisimge qol qoıyldy. 

Bul qujat bolashaqta Qazaqstanda Taqyryptyq venchýrlyq qor qurýdy qarastyrady. Joba venchýrlyq qarjylandyrý men ınnovasııalyq kásipkerliktiń damýyna serpin beredi, sóıtip, startap kompanııalardy venchýrlyq kapıtalmen qamtamasyz etedi. 

A. Mamınniń «Bright Sphere Investment Group» (BSIG) ınvestısııalyq tobynyń qarjy dırektory S. Ranmen kelissóz qorytyndysy boıynsha Qazaqstandyq tikeleı ınvestısııalar qory (KIDF) men BSIG arasynda 2020 jyly Qazaqstan aýmaǵynda ınfraqurylymdyq jobalardy qarjylandyrý úshin birlesken qor qurýda yntymaqtastyq týraly memorandýmǵa qol qoıyldy. 

Anyqtama: BSIG – jetekshi ǵalamdyq ınvestısııalyq top, onyń basqarýynda $200 mlrd-tan astam qarjy bar. 7 basqarýshy kompanııa arqyly 30 elde jobalardy iske asyrady, álem boıynsha 20 keńsesi jáne 850 ınstıtýsıonaldyq jáne iri korporatıvtik klıentteri bar. 

Qazaqstanda ınnovasııalyq ekojúıeni, venchýrlyq kapıtal men startap jobalardy damytý máseleleri A. Mamınniń «Plug and Play» kompanııasynyń basshylyǵymen áńgimesi barysynda qarastyryldy, onyń keńsesin «Astana Hub» alańynda ashý kózdelgen. 

Úkimet basshysy «C3.ai» kompanııasynyń bas atqarýshy dırektory T. Sıbelmen kelissóz kezinde QR munaıgaz jáne basqa da sektorlarynda jasandy ıntellektini qoldanýda yntymaqtastyq máselelerin talqylady. 

«Cisco» transulttyq kompanııasynyń prezıdenti G. Dıdrıhpen kezdesýde «Sıfrlyq Qazaqstan» memlekettik baǵdarlamasynda bekitilgen maqsattarǵa qol jetkizýde jáne aqparattyq tehnologııalar salasynda yntymaqtastyqtyń jańartylǵan strategııasyn iske asyrý máseleleri qaraldy. 

«One Web» kompanııasynyń bas atqarýshy dırektory A. Shtekelmen kezdesý barysynda Qazaqstannyń aýmaǵyn, onyń ishinde shalǵaıdaǵy jáne jetý qıyn aýdandardy jerseriktik baılanys arqyly jappaı jyldamdyǵy joǵary keń jolaqty ınternetpen qamtý jobasyn iske asyrý perspektıvalary qaraldy. Kelissóz qorytyndysy boıynsha AHQO Basqarýshysy Q. Kelimbetov jáne «One Web» basshysy A. Shtekel jobany odan ári ilgeriletý týraly qujatqa qol qoıdy. 

«Chevron» korporasııasynyń barlaý jáne ken óndirý jónindegi atqarýshy vıse-prezıdenti D. Djonsonmen áńgimelesý kezinde Bolashaq keńeıtý jobasy, «Teńizshevroıl» jobasynda taýarlar men kórsetiletin qyzmetter boıynsha qazaqstandyq qamtýdy odan ári arttyrý, sondaı-aq qazaqstandyq jumyskerlerdiń áleýmettik qamsyzdandyrylýy men eńbek jaǵdaılaryn jaqsartý boıynsha birlesken sharalar ázirleý máseleleri talqylandy. 

«ValvTechnologies» kompanııasynyń prezıdenti K. Hantpen kelissóz barysynda Qazaqstanda munaıgaz sektory úshin klapandar men tıekter shyǵarý zaýytyn ashý múmkindigi qaraldy. Shyǵarylǵan ónimdi bolashaqta «Teńizshevroıl»-dy keńeıtý jobasyn iske asyrý aıasynda paıdalaný, sondaı-aq kórshiles elderdiń naryqtaryna eksporttaý josparlanǵan. 

A. Mamın «42» kompıýterlik baǵdarlamalaý mektebiniń jáne IT salasyndaǵy «Qwasar» bilim berý kompanııasynyń negizin qalaýshy K. Iаmgnanemen kezdesý ótkizip, onymen Qazaqstannyń sıfrlyq ekonomıkasy úshin mamandar daıarlaýdaǵy yntymaqtastyq perspektıvalaryn talqylady. 

Premer-Mınıstr «Tesla» kompanııasynyń keńsesi men zaýytyn aralady, onda kompanııa basshylyǵymen kezdesý aıasynda Qazaqstanda janar-jaǵarmaı quıý stansııalary jelisin keńeıtý jáne elektromobılder úshin servıs ortalyqtaryn ashý máseleleri qaraldy. 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir