11 Jeltoqsan, 2019 NEWS

Qazaqstanda 5 joǵary oqý orny lısenzııasynan aıyrylmaq

qamshy.kz

Qazaqstannyń bilim jáne ǵylym mınıstrligi qosymsha tekserý jumystaryn júrgize kele, 5 joǵary oqý ornynyń lısenzııasyn ýaqytsha toqtatý týraly sheshim qabyldady. Bul týraly búgin, 11 jetoqsanda ótken baspasóz jıynynda mınıstr Ashat Aımaǵanbetov málimdedi. 

Mınıstrdiń aıtýynsha, ýnıversıtetterdiń lısenzııasyn ýaqytsha toqtatý prezıdent Qasym-Jomart Toqaevtyń tapsyrmasyna sáıkes júrgizilgen. 


- Biz buǵan deıin, elimizde 5 JOO lısenzııasynyń ýaqytsha toqtatylǵanyn habarlaǵan bolatynbyz. Búginde JOO-na qosymsha tekserý jumystaryn júrgizýdemiz, sonyń nátıjesinde taǵy 5 JOO-nyń lısenzııasyn ýaqytsha toqtatý týraly sheshim qabyldadyq. Sheshimmen kelispeıtin JOO-nyń zań boıynsha shaǵymdanýǵa 10 kún ýaqyty bar. Eger shaǵym túspese nemese shaǵymdanǵan jaǵdaıdyń ózinde sot sheshimdi ózgertpese, biz olardyń ataýlaryn jarııalaı alamyz. Jalpy JOO boıynsha problemalar jetkilikti. Anyqtalǵandaı, 1 kýrsqa 5 stýdent qabyldansa, 4 kýrsty 150 stýdent bitirip shyǵady. Demek 2,3 kýrstarda jaýapsyz ýnıversıtetter oqýdan shyǵyp qalǵan stýdentterdi qabyldaıdy. Memleket basshysynyń tapsyrmasyna sáıkes, biz JOO-na degen talapty kúsheıttik jáne joǵary bilim berý salasyn retteýdiń jańa mehanızmderi engiziletin bolady", - dedi Ashat Aımaǵambetov mınıstrlikte ótken baspasóz máslıhatynda.

Buǵan deıin prezıdent Toqaev "Dıplom taratatyn kontorǵa aınalǵan JOO-larǵa qatal sharalar qabyldanýy tıis" degen edi.



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir