• USD 389.52
  • EUR 429.21
  • RUB 6.07
  • CNY 54.94
22 Qańtar, 12:51:49
Qazaqstan Ýkraınanyń saýda naryǵyna alańdaýly

11 Jeltoqsan, 2019 NEWS

Almatylyqtar Medısınalyq saqtandyrý qoryna 48 mlrd teńge aýdardy

inbusiness.kz

2017 jyldyń 1-shildesi jáne 2019 jyldyń 30-qarashasy aralyǵynda Medısınalyq saqtandyrý qoryna 233 mlrd teńgeden astam qarjy jınaqtaldy, dep habarlaıdy «Áleýmettik medısınalyq saqtandyrý qory» KEAQ Almaty qalalyq fılıaly.

«Almaty qalasy jarnalar men aýdarymdardyń kólemi jaǵynan respýblıka boıynsha kósh bastap tur – jınaqtalǵan somanyń besten bir bóligi ońtústik astanalyqtarǵa tıesili. Jalpy, saqtandyrý júıesi iske qosylǵan 2017 jyldyń 1-shildesinen 2019 jyldyń 30-qarashasyna deıingi aralyqta Almaty qalasynan Qorǵa 48 mlrd teńgeden astam jarna aýdaryldy. Onyń 45,5 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary. Ońtústik astana boıynsha 1 mln 428 myń adamnyń atyna jarna túsken», – dedi fılıal dırektory Tileýhan Ábildaev.

Sondaı-aq jyl basynan beri ózin-ózi jumyspen qamtyǵan 5136 adam 17,6 mln teńge kóleminde biryńǵaı jıyntyq tólem tólegen.

Esterińizge sala ketsek, biryńǵaı jıyntyq tólem elimizde 2019 jyldyń 1 qańtarynan bastap engizilgen bolatyn. Jıyntyq tólemniń ishinde ózge áleýmettik tólemderge qosa saqtandyrý jarnasy da bar. Ol jalpy somanyń 40 prosentin quraıdy.

Biryńǵaı jıyntyq tólem – respýblıkalyq mańyzy bar qalalar úshin 1 aılyq eseptik kórsetkish (AEK) nemese 2525 teńge, aýyldyq jerler úshin – 0,5 AEK nemese 1263 teńge kóleminde belgilengen. Tólemniń bul túrin jaldamaly jumysshylardyń qyzmetin paıdalanbaıtyn, jeke tulǵalarǵa qyzmet kórsetetin jeke tulǵalar, frılanserler, santehnıkter, qurylysshylar, taksı júrgizýshileri t.b. tóleı alady.

Ilmek sózder: máms

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir