• USD 389.52
  • EUR 429.21
  • RUB 6.07
  • CNY 54.94
22 Qańtar, 12:36:54
Qazaqstan Ýkraınanyń saýda naryǵyna alańdaýly

10 Jeltoqsan, 2019 NEWS

Toqaev jyl ıelerin synap tastady

Jastardyń 20 paıyzynan kóbi mektep bitirgen soń úıde otyrady

ehonews.kz

Iá, bul el prezıdentiniń sózi. Dál mundaı qyzyq ta, qısyq sózdi ol elordada ótken Jastar jylynyń aıaqtalýyna arnalǵan saltanatty sharada aıtty.

О́kinishke qaraı, elimizde NEET (ne oqymaıtyn, ne jumys istemeıtin) jastary kóbeıip jatyr. Áleýmettanýshylardyń málimetinshe, jastardyń 20 paıyzynan kóbi mektep bitirgen soń úıde otyrady, – deıdi Qasym-Jomart Toqaev.

Endi, "Qyzyq" deıtinimiz týraly az-kem aıta ketelik. Prezıdent sózine senseńiz, otyz eldiń qataryna kún saıyn jaqyndap kele jatqan jasampaz eldiń 20 paıyz jasy eki qolǵa  bir kúrek tappaı otyr.

Al "qısyq" deýge de dap-daıyn eki esep tur kóńilde. Áýelgisi, árıne, jastardyń kómeıindegi sóz: toı ıesine "qonaqtyń" syn aıtar tusy bul bolmasa kerek-ti. "Bútin jyldan bazyna aıtar budan ózge bir kún tabylmaǵan ba" deıtin bolar.

Ekinshi esep te sol tóńirekte. Alaqanyn qýsyryp úıde otyrǵan jastyń sanasynan mundaı "qısyq" sóz ótip kórse ne etti?!

"Úıde" demekshi, memleket basshysynyń pikirinshe, úıden shyqpaıtyn jastardyń kóbi qoǵamdyq jumystarǵa aralaspaıdy. Tipti, jastardy qoldaýǵa arnalǵan baǵdarlamalar men óńirlerdegi jastardyń resýrstyq ortalyqtary jaıly kóbi bile bermeıdi.

Osylaısha, qos prezıdenttiń "qoshemetin" kórgen jastar jyly da elordadan bylaıǵy kóptiń sanasynda "salqyn" jabyldy. Endi, "Eriktiler jyly" degen resmı paraq ashylyp ta úlgerdi. Bálkim, Toqaev "aıyptaǵan" úıde otyrǵan 20 paıyz jastyń bir bóligi endigi merekeli jyldyń ıesi – eriktiler me edi, kim bilipti?!

Sirá, halyqtyń qarapaıym qaltasyndaǵy teńgeniń dybysynan tabysyn anyqtap otyrǵan úkimet ony da anyqtap berer bizge... 

Qozybaı QURMAN

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir